Ebera 2:17 - Te B'aib'ara

¹⁷ Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 2:17 Iomraidhean Croise

2.Rongorongo 29:24

Ao a tiring taiani kooti ibonga ao a katimtim'a raraaia i aon te baonikarea b'a taian karea i bukin kab'araan aia bure Iteraera ni kabane, i bukina ngke e a kaman anga ana taeka Etekia b'a e na karaoaki taiani karea aikai i bukiia Iteraera ni kabane.

Itaia 11:5

Ana niiniira ni uea bon te raoiroi ma te riai.

Etekiera 45:15

A na kamanenaaki taian angab'ai aikai b'a te karea are te uita, ao ai uana naba ma te karea are kakukureiau ao koraki akana a buubuti Au kakab'aia. N na kukurei Ngai ae te UEA n taian karea aikai ao N na kab'arai aia bure Au aomata.

Etekiera 45:17

Ma kam na katauraoi maan ake taiani karea ngkami aika taan kairiiri i bukin te Toa ae Moan Otin Nam'akaina, taian Bootaki i bukin te Taabati, ao bootakin te aro ake tabeua, ao ai uana naba ma te uita ma te wain. A na bane ni kabonganaaki baikai i bukin taiani karea i bukin bure, te karea te uita, te karea are kakukureiau, ao nakoia akana a buubutiai Au kakab'aia. N na bon kukurei ao N na kab'araa aia bure Au aomata.

Etekiera 45:20

E na karaoaki naba te bootaki ae aron anne ni kaitiuan bongin te nam'akaina, b'a a aonga ni kab'araaki aia bure aomata aika a bure n tiaki aia kaantaninga ke n te aro ae a aki ataia, ao e aonga n teimatoa n itiaki au Tembora.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Nakoaia Ibonga 14:18

Ao e na kabanea te b'aa are i nanon baina i atuun te aomata anne. Ao ai anne ngkanne arona ni karaoa te angakarea i bukin te m'akuri ni kaitiaki.

Nakoaia Ibonga 16:16

Ao e na waakinaki te bootaki n aron anne i bukin kaitiakan te Tabo are Moan te Tabu man kam'araia Iteraera ao man aia bure ni kabane. E riai ni karaoa aei nakon te Um'antabunrianna naba kioina b'a e tei i nuukan te maeka, are e bon aki itiaki.

Nakoaia Ibonga 6:30

Ma ngkana e uotaki te raraa nakon te Um'antabunrianna, ao e na kabonganaaki i bukin kab'araan buure, ao e na aki kanaki te man anne, ma e na kabuokaki ni kabane rab'atana.

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Warekaia Iteraera 15:25

Ao i mwiina, e na tataro te ibonga ni butiai kab'araan ami bure. Ao i bukina ngke kam bon aki kantaningaia b'a kam na karaoa te bure, ao kam anga ami karea,

I-Rom 15:17

Ma ngaia ae i bukin arou n reitaki ma Iesu Kristo, ao e riai b'a N na kamoamoaai n au m'akuri i bukin te Atua.

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

I-Ebeto 2:16

E raoiakiniia botannaomata aika uoua nakon te Atua ni matena n te kaibangaki, ao a riki b'a te rab'ata ae ti teuana, ao E urua aroia n riribai.

I-Korote 1:21

Ao ngkami, kam raroa nako ngkoa mairoun te Atua, ao kam ribaia i nanomi i bukin ami m'akuri aika bubuaka;

Ebera 10:21

ao ngkai iai ara Ibonga ae Kakannato ae E mataniwi n ana auti te Atua;

Ebera 2:11

B'a Iesu ni botaki ma ake a riki n tabu maiuia i Rouna b'a ana b'ai te Atua a bane n nako man te oi ae ti teuana. Ma ngaia ae E aki mamaa n atongiia b'a tarina,

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

Ebera 2:16

B'a E aki tauia anera ni kamaiuia, ma E tauia ana kariki Aberaam ni kamaiuia.

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

Ebera 3:2

E kakaonimaki nakon Teuare rineaki i Rouna b'a E na karaoa ana m'akuri, n ai aroni Moote ngke e kakaonimaki nakon ana m'akuri i bukiia ana aomata te Atua.

Ebera 3:5

E kakaonimaki Moote n ana m'akuri i bukiia ana aomata te Atua ngkai te toro ngaia, ao n arona aei e a kaoti iai baika a na atongaki rimwi iroun te Atua.

Ebera 4:14

Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Ebera 5:1

B'a te ibonga ae kakannato e a rineaki mai buakoia raona, b'a e na m'akuri i bukin te Atua i bukiia aomata, b'a e na kakaraoi taromauri ma n anganga karea i bukini buure.

Ebera 5:10

ao E atongaki iroun te Atua b'a te Ibonga ae Kakannato, ae te karinan ae Merekitereka.

Ebera 5:2

Ngkai a bati naba mamaran te ibonga ae kakannato ao bon iai ana kona n nanoangaia akana karaoi m'akuri aika kairua i bukini babangaia;

Ebera 5:5

Ao ai aron naba Kristo, E aki neboaia i bon i Rouna n arona n riki b'a te Ibonga ae Kakannato Ngaia, ma E neboaki iai iroun te Atua ngke E kangai nako Ina, “Bon Natiu Ngkoe, I karikiko n te bong aei.”

Ebera 6:20

ike E a tia n rin iai Iesu i bukira, ae te tia ri-moara; ao E riki b'a te Ibonga ae Kakannato n aki toki, n ai aroni Merekitereka.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

Ebera 7:28

B'a te Tua e rineia aomata aika a aki kororaoi n aroia b'a ibonga aika kakannato; ma te taeka n akoi are karaoaki ma te taeka ni bau are roko rimwi i mwin te Tua, e rinea te Nati b'a te ibonga ae kororaoi n arona n aki toki.

Ebera 8:1

Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

Ebera 8:3

B'a a rineaki ibonga aika kakannato n tatabemaniia nako nakon aia m'akuri b'a a na anganga b'aintituaraoi ma karea; ma ngaia ae e bon riai iroun ara Ibonga ae Kakannato b'a e na iai naba te b'ai ae E na anga b'a te karea.

Ebera 9:11

Ma E a tia n roko Kristo b'a te Ibonga ae Kakannato i bukini baika raraoi aika kamani mena ikai, ao E nako n ri nukan te um'anrianna ae kakannato riki ma n raoiroi riki, ae e aki karaoaki ni bain te aomata, ao tiaki b'ain aon te aba;