Ebera 2:15 - Te B'aib'ara

¹⁵ ao n te aro aei E a kainaomataia iai aomata ni kabaneia aika a toronaki n aia bongi ni maiu ni kabane ni makan te mate.

Ebera 2:15 Iomraidhean Croise

Iobi 18:11

E otab'aniniaki ni b'aai aika kakamaaku, a iririia n taabo nako ike e nako iai.

Iobi 18:14

E taekaki nako man ana auti n rianna ike e maeka iai ma te rau, ao e uaakinaki b'a e na kaitaraa ma Uean te mate.

Iobi 24:17

A mamaaka ootan te ngaina, ao bon akea maakakin te rotongitong i rouia.

Taian Areru 33:19

E kawakinia man te mate; Ao E kamaiuia n tain te rongo.

Taian Areru 55:4

E tata ruberubeni burou, E taonai korakoran angini maakan te mate.

Taian Areru 56:13

i bukina b'a Ko a tia ni kamaiuai man te mate, Ao Ko kawakinai b'a N na aki b'aka. B'a I aonga nakonako i matam te Atua ao n ira te oota are nako n te maiu.

Taian Areru 73:19

A mate nabangkekei; A roko n tokiia ae kakamaaku.

Taian Areru 89:48

Akea te aomata ae kona n inaomata man te mate ke te ruanimate.

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

I-Rom 8:21

b'a a na kainaomataki man te mka are a na bane n roko iai, ao a na karekea te aro n inaomata ae akea n ai arona are aia b'ai natin te Atua.

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

I-Karatia 4:21

Kam na tuangai, ngkami aika kam kani mena i aan te Tua, kam aki ataia b'a tera ae e taekinna te Tua

2.Timoteo 1:7

B'a E aki anganira te Atua te Tamnei ae karikira b'a ti na mamaku; ma E anganira te Tamnei ae kaoniira n te korakora, te tangira, ma te kona n taon nanora nakoni baika e tangiri te rab'ata.

Ebera 2:16

B'a E aki tauia anera ni kamaiuia, ma E tauia ana kariki Aberaam ni kamaiuia.