Ebera 13:6 - Te B'aib'ara

⁶ Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

Ebera 13:6 Iomraidhean Croise

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

1.Uea 17:8

Ao E tuanga Eria te UEA ni kaangai,

Taian Areru 124:8

E reke buokara mairoun te UEA, are karaoa karawa ma aonnaba.

Taian Areru 146:3

Tai onimakiniia aomata aika taani kairiri; akea te aomata ae kona ni kamaiu.

Taian Areru 27:9

Ma ngaia ae tai karabako mairou. Ngai ae am Toro, te UEA Ko a tia ni buokai; Tai kitanai, tai taeanibai nako mai rou, Ngkoe ae te Atua, ae au Tia Kamaiu.

Taian Areru 33:20

A tiku ara kaantaninga iroun te UEA; Boni Ngaia otangara ao buokara.

Taian Areru 40:17

Ao ngai, I a kaawa, ao e kai nanou; Ma E ururingai te UEA: Bon te tia buobuokai ao au tia kamaiu Ngkoe, Atuau! Bareiko ni buokai.

Taian Areru 54:4

Ma bon te tia buokai te Atua; Bon te tia kamanoai te Uea.

Taian Areru 56:4

I onimakina te Atua ao akea te b'ai ae N na makua iai; I kamoamoaa i bukin ana taeka. Tera ae e kona ni karaoia te aomata nako iu?

Taian Areru 63:7

i bukina ngkai Ko aki toki ni buobuokai. I anene ni kim'areirei i aan nuuni baim ni kiba.

Taian Areru 94:17

Ngke arona b'a E aki buokai te UEA, ao N na kaman tia ni mate i aban te aki kakarongoaa.

Te Otinako 18:4

Ao e taku naba, “E a tia ni buokai ma ni kamaiuai te Atua ae Tamau man tiringakiu iroun uean Aikubita.” Ma ngaia are, e arana natina te mm'aane are temanna b'a Erietera.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

I-Ebeto 3:12

Ngkai ti reitaki ma Kristo, ao ngkai ti onimakinna, ao ti ninikoria ni kawara te Atua ma te aki nanokokoraki.

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

Ebera 10:19

Ma ngaia aei, taari, ngkai iai i roura te aki maaku n rin n te tabo are moanibaan te tabu ni maten Iesu,

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

1.Tamuera 23:17

ao e taku nakoina, “Ko na aki maaku. E na bon aki konaa n tiringko tamau are Tauro. E a ataia raoi b'a boni ngkoe ae ko na riki b'a uean Iteraera ao Ngai N na riki b'a am kauoman.”