Ebera 13:3 - Te B'aib'ara

³ Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Ebera 13:3 Iomraidhean Croise

Karikani B'aai 40:23

Ma e aki roko n te uringa Ioteb'a te tia uouota ana wain te uea-e rangi ni m'aninga taekana.

Mataio 25:36

akea kunnikaiu, ao kam karekea kunnikaiu; I aoraki, ao kam kawarai; I mena i nanon te karabuuti, ao kam kawarai.”

Mataio 25:43

Te iruwa Ngai, ao kam aki akoai; akea kunnikaiu, ao kam aki karekea kunnikaiu; I aoraki ao I mena i nanon te karabuuti, ao kam aki kawarai.”

M'akuri 24:23

E tuanga ngkanne aia mataniwi te taanga n tautia are tebubua kaaina b'a e na kawakina B'auro n teiakinna, ma e na anganna inaomatana teutana; ao e na aki tukiia raoraona ngkana a kan roko ni buokia.

M'akuri 27:3

N te bong are i mwina ao ti roko i Titon. E nano n akoi Iurio nakoni B'auro, b'a e kariaia nakona nakoia raoraona i bukini buokana n te bae e kainanoia.

I-Rom 12:15

Kam na kim'areirei ma akana kim'areirei; kam na tang ma akana tang.

1.I-Korinto 12:26

Ngkana e maraki b'ain te rab'ata teuana, ao a bane naba ni maraki b'ain nako te rab'ata ma ngaia; ao ngkana e karineaki b'ain te rab'ata teuana, ao a bane b'ain nako te rab'ata ni kim'areirei ma ngaia.

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Korote 4:18

I a koroi taeka aikai n oin tabonibaiu: Kam na mauri mairouni B'auro. Kam na ururing kabaeau! E na mena te akoaki i roumi.

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.