Ebera 13:2 - Te B'aib'ara

² Kam na ururinga akoaia iruwa. Iai tabem'aang aika karaoa anne, ao a aki ataia iai b'a a tia naba n akoia anera.

Ebera 13:2 Iomraidhean Croise

Karikani B'aai 18:1

Ao E kaoti te UEA nakon Aberaam n te oke are atoatongaki are ana oke Mamre. I nanon kabuebuen te tawanou teuana ngke e tabe n tekateka Aberaam n mataroan ana auti n rianna,

Karikani B'aai 19:1

Ao ngke a roko anera ake uoman i Tootom n te tairiki arei, ao e tekateka Roota i mataroan te kaawa are buubura arei. Ao ngke e nooriia uakekei, ao e teirake ni kawariia, ao e bobaraaki i mataia

2.Uea 4:8

N te bong teuana ngke e mena Eritai n te kaawa ae Tunem, ao e kaitibo ma te aine ae e kaub'ai are e kaooa b'a e na am'arake ma ngaia n ana auti. Ao i mwiin anne, ao n taai are e a manga roko iai i Tunem ao e am'am'arake ma neierei ao buuna.

Iobi 31:19

Ngkana I noora te aomata ae kainano, ae e rangi ni kainano n te aro are aki kona naba ni kabooa ana kunnikai,

Iobi 31:32

I kakamotirawaia taani m'ananga n au auti, ao I aki kariaia b'a a na matu n aki akaaka.

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Mataio 25:35

b'a I baki ao kam anganai kanau; I taka ni kani mooi, ao kam anganai te moi; te iruwa Ngai, ao kam akoai;

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 25:43

Te iruwa Ngai, ao kam aki akoai; akea kunnikaiu, ao kam aki karekea kunnikaiu; I aoraki ao I mena i nanon te karabuuti, ao kam aki kawarai.”

M'akuri 16:15

E b'abetitoaki ma kaain ana auti, ao e butiira, ni kaangai, “Ngkai kam a tia n taku b'a te tia onimakina te UEA ngai ni koaua, ao kam na rin n tiku n au auti.” Ao e kairoroira.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

I-Rom 16:23

E kamauringkami Kaio ae ngaia ae I mena moa ngkai i rouna; ao a kamauringkami naba kaain te ekaretia aika raou i rouna. E kamauringkami naba Erateto, ae te tia kawakina m'anen te kaawa; ao ai arona naba ma Kuareto ae raora naba n onimaki.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

Tito 1:8

ma e na akoakoia iruwa, e na tangira te raoiroi, e na iango raoi, e na b'ab'aina te eti, e na katabua maiuna nakon te Atua, ao e na taona nanona mani baika e tangiri te rab'ata;

1.Betero 4:9

Kam na i akoakoi n aki b'angantaeka.

3.Ioane 1:5

Ngkoe ae ko tangiraki, ko boni kakaonimaki ni karaoa ae ko karaoia i bukiia taari, ai moara riki nakoia taari ake ko aki tataneiai ma ngaiia;