Ebera 13:16 - Te B'aib'ara

¹⁶ Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.

Ebera 13:16 Iomraidhean Croise

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 51:19

Ao Ko a tib'a kukurei iai ni karea aika riai, Ao ane a na kareani kaom'aane i aon am baonikarea.

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 9:36

E mena i Iobe te aomata temanna ae te tia onimaki, ae arana Nei Tabita. (ke Nei Toreka n te Taetae n Erene). E aki toki neiei ni kakaraoi m'akuri aika raraoi, ao n i buobuokia aika kananoanga.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

I-Karatia 6:6

Ao ane reireiaki ana taeka te Atua e na buokanib'ai ni baika raraoi ma te tia reirei.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

I-Biribi 4:14

E boni ngae n anne, ma kam a tia ni karaoa ae e raoiroi, ngke kam buokanib'ai ma ngai n rawaawatau.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

1.I-Tetaronike 5:15

Kam na taraia b'a akea temanna ae na karaoa ae buakaka nakon temanna i bukina ngke te aomata arei e a tia ni karaoa ae buakaka nako ina; ma kam na ukoukora ae raoiroi i bukimi n taai nako, ao i bukiia naba aomata ni kabaneia.

2.I-Tetaronike 3:13

Ao ngkami, taari, a na aki b'ara nanomi mani karaoan ae raoiroi;

1.Timoteo 6:18

A na kakaraoa ae e raoiroi, a na kabati m'akuri aika riai, a na maiu n tituaraoi, ao a na tauraoi ni buokanib'ai n aia b'ai;

Biremon 1:6

Bon au tataro b'a arom n iraorao ma aomata i bukin am onimaki e na karika i rouia ataakin raoi baika raraoi ni kabane aika iai i roura, aika a kairira nakoni Kristo.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

3.Ioane 1:11

Ngkoe ae ko tangiraki, ko na tai kakairi n te m'akuri ae buakaka, ma ko na kakairi n te m'akuri ae e raoiroi. Ane karaoa ae e raoiroi ao boni mairoun te Atua; ane karaoa ae buakaka ao e tuai n nora te Atua.