Ebera 13:12 - Te B'aib'ara

¹² Ao anne bukin are E maraki ma ni mate iai Iesu i tinanikuni mataroan te kawa, b'a e aonga ni katabui maiuia aomata b'a ana b'ai te Atua n oin raraana.

Ebera 13:12 Iomraidhean Croise

Nakoaia Ibonga 24:23

Ngke e toki n taetae Moote, ao aomata a karaoa naba are e tua te UEA nakoni Moote, ike a karebanaa naba teuare e taetaebuaka ngkoa te UEA. A karebanaia ni karokoa e mate.

Warekaia Iteraera 15:36

Ma ngaia are, e a tiringaki n aron are E a tia ni baaireia te UEA nakoni Moote.

Ruka 4:29

Ao a tei rake, ao a kanakoa Iesu man te kawa. A kairia nakon te tabo ae katati ae rarikin te tabuki are e tei i aona aia kawa, b'a a na karenakoa maiai.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

Ioane 19:34

ma e ewara rarikina temanna irouia tautia n te kainiwai, ao e waanako naba ngkekei te raraa ma te ran.

M'akuri 7:58

ao a taua ma te matoa ni kaotinakoa man te kaawa, ao a karebanaia; ao taani kakoaua akekei a katiku kunnikaia iroun te rorobuaka temanna, ae arana Tauro, b'a e na tararuai.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

Ebera 10:10

ae ngaia ae a katabuaki iai maiura nakon te Atua b'a ana b'ai, ngke E anga rab'atana Iesu Kristo n ai aron nanon te Atua b'a te karea n te tai ae ti teuana ao akea riki.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Ebera 2:11

B'a Iesu ni botaki ma ake a riki n tabu maiuia i Rouna b'a ana b'ai te Atua a bane n nako man te oi ae ti teuana. Ma ngaia ae E aki mamaa n atongiia b'a tarina,

Iotua 7:24

A taua Akan aomatan Iteraera, ao a anaa te tirewa ma te kunnikai, ao te m'akoro ni koora, ni ikotaki naba ma natina m'aane, ao natina aine, ma ana nanai ni kao, ma ana aati, ma ana tiibu, ma ana auti n rianna, ao ana b'ai ni kabane, ao a uoti nakon te m'arua are M'aruan te kaangaanga.

Te Kaotioti 14:20

Ao e toutouaki b'ain taonani kureebe i tinanikun te kaawa, ao e ti nako te raraa mai iai, ao e raanga nako tao uabubua te maire, ao rietana tao nimaua te buti mai aontano.