Ebera 12:7 - Te B'aib'ara

⁷ Kam na taotaon nanomi nakon reireiami i bukini kaetan aromi; b'a te bae karaoaki nako imi bon aron te Atua n tabeakiningkami ngkai naati ngkami. B'a antai te nati ae na aki reireiaki i bukini kaetan arona iroun tamana?

Ebera 12:7 Iomraidhean Croise

2.Tamuera 7:14

N na riki b'a tamana, ao e na riki b'a natiu te m'aane. N na kaetia ngkana e karaoa te kaairua, n aroia naati ngkana a kaetaki irouia aia karo.

1.Uea 1:6

Ma ngaia are, e a karekei ana kaanibuaka ma ana aoti, ao e kabooia nimangaun te m'aane b'a taani kaawakinna. Ao e aki kan takuia Tawita n ana waaki arei. Ma ngaia are, e aki roko n te taetae nakon Atoniia n te b'ai are e karaoia.

Taeka n Rabakau 13:24

Ngkana kam tangiriia ami ataei, ao kam na riai ni kaetiia; ao ngkana kam aki tangiriia, ao kam na aki kaetiia.

Taeka n Rabakau 19:18

Kaetiia natim b'a kam kaawa n rangi n ooimwi; ngkana kam aki katuuaia, kam bon uruana aroia.

Taeka n Rabakau 22:15

A bane n nanobaba naati ma e na kawanawanaia kaetakiia ae e matoa.

Taeka n Rabakau 29:15

Kaetiia am ataei, ao ane a na wanawana; ataei aika a aki konaa ni kairaki a bon kamamaaia tinaia.

Taeka n Rabakau 29:17

Ane a na anganiko te rau ma te kukurei natim ngkana ko kaetiia.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

1.I-Korinto 11:32

Ma ngkana a baireaki taekara iroun te UEA, ao E bon reireiniira iai, b'a ti aonga n aki uaia ni kabuakakaki ma te aonnaba ae ekaanako nanon te Atua.

Te Tua-Kaua 8:5

Ma ngaia are, kam na kaaki i nanomi te koaua ae E a tia ni boaingkami te UEA, n aron te karo ma te tina ngkana a boaiia natiia.

1.Tamuera 2:29

I tuangiia aomata ni kabane b'a a na uoti aia karea nako ikai n te tabo ae I maeka iai, ao I kariaingkami ma ami utu b'a kam na kaawakin b'aai ake a aki anga te aba nako Iu i aon te baonikarea. Ma kam karineia riki natimi m'aane nako Iu! Ma kam aki karineai taiani karea ma angab'ai ake uotaki nako Iu, ao kam a rangi ni marikarika i bukin kanakin m'akoron taiani karea ake a rangi n raraoi.

1.Tamuera 2:34

Ni kakoauaan aei b'a N na bon karaoi baikai; ao natim m'aane, ake Obeni ao Bineati, ana tii teboo mateia n te bong teuana.

1.Tamuera 3:13

E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.