Ebera 12:11 - Te B'aib'ara

¹¹ Reirei ni kabane ngkai i bukini kaetan aroia aomata a tara n tiaki te b'ai ni kakim'areirei, ma a tara ni b'ai ni kananokawaki. Ma rimwi, ao te koraki ake a tia ni kataneiaki iai a na anaa mwina ae te maiu ae rau ae kakaraoa nanon te Atua.

Ebera 12:11 Iomraidhean Croise

Karikani B'aai 21:11

Ao e rangi n uruaki iai nanon Aberaam i bukina ngke bon natina naba Itimaera.

Taian Areru 118:18

E a tia ni karaoa ae N na rangi ni karawaawataaki iai, Ma E aki anga ngai nakon te mate.

Taian Areru 119:165

A rau aroia akana tangira am Tua, ao akea te kaangaanga ae a na b'akaraki iai.

Taian Areru 89:32

Ao N na kareke kaia i bukin aia bure; N na karawawataia i bukin aia buakaka.

Taeka n Rabakau 15:10

Ngkana kam rairaki man te kawai ae e raoiroi, ao kam na katuaaeaki; ngkana kam rawa ni kaetaki ao kam na mate.

Taeka n Rabakau 19:18

Kaetiia natim b'a kam kaawa n rangi n ooimwi; ngkana kam aki katuuaia, kam bon uruana aroia.

Itaia 19:22

Ane a na rairaki aomata nakoina, ngkana e a tia te UEA ni katuaaea Aikubita. Ao i mwiina, e na kaekaa aia tataro, ao a na kamaiuaki kaain Aikubita.

Itaia 32:17

Ao ane e na kaotinakoa te rau ao te kamanoaki ae akea tokina.

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Ebera 12:10

A reireiniira ni kaeti arora tamara aika taman rab'atara i nanon tabe bong n ai aron are a taku b'a e raoiroi i roura; ma te Atua E reireiniira b'a e bongana i bukira, b'a ti aonga ni buokanib'ai ni maiuna ae itiaki man te bure.

Ebera 5:14

Ma te am'arake ae matoatoa bon i bukiia aika ikawai, akana a kataneiaki b'a a aonga ni kona n ata te kaokoro i marenan ae raoiroi ma ae buakaka.

1.Betero 1:6

Kam na kim'areirei n te baei, e boni ngae n riai iroumi b'a kam na rawawata i nanon tabeua te tai i bukini kataakimi aika bati aroia;

2.Betero 2:14

Nanoia bon ti te kani wene ni bure ma aine aika a nooriia; a aki kona n rauaki nanoia ae kani bubure. A kaririia aomata aika mamara ni maiuia b'a a na kam'aneia. Bon iai nanoia aika kataneiaki b'a a na kani b'aib'ai. A na bon reke kaiia;