Ebera 11:34 - Te B'aib'ara

³⁴ a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

Ebera 11:34 Iomraidhean Croise

1.Uea 19:1

Ao Aaba e tuanga Ietebera b'aai ni kabane ake e karaoi Eria ao arona n tiringiia ana burabeti B'aara.

1.Uea 19:3

Ao e rangi ni maaku Eria ngke e a reke i rouna ana rongorongo, ao e a biri nakon te kaawa are Beerateb'a i Iuta, ao E katuka ana toro ikekei,

2.Uea 6:1

N te bong teuana a taetae taiani burabeti nakon Eritai ni kaangai, “E rangi ni uarereke te tabo are ti kaboowi iai ma ngkoe.

2.Uea 6:32

Ao i mwiin aei, ao e kanakoa temanna te tia uarongorongo nakon Eritai. E boni mena Eritai n ana auti n te tai anne, ao e kabowi ma taani kairiiri aika a kakannato i aon Iteraera. I m'aain rokon ana tia uarongorongo te uea, ao e a kaman tuangiia taani kairiiri Eritai ni kaangai, “E a kanakoa temanna b'a e na korea roroau te tia tiriaomata arei. Kaina te mataroa ngkana kam nooria, b'a e na aki rin. Ane e na bon ri mwiina naba te uea.”

Iobi 42:10

Ao i mwiin ana tataro Iobi i bukiia raoraona ake teniman, ao E a manga kakab'aia Iobi te UEA, ao E a manga anganna uoua te tai okiokin ana b'ai ake mai m'aaina.

Iobi 5:20

E na kamaiuko ngkana e roko te rongo, ao e na kawakiniko man te mate ngkana e roko te bo ni buaka.

Taian Areru 124:7

Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

Taian Areru 144:10

Ko anganiia uea aia tokanikai ao Ko kamaiua Tawita are am toro.

Taian Areru 6:8

Naako mairou, ngkami ni kabaneingkami aika kam buakaka! E ongo tangiu te UEA;

Taian Areru 66:12

Ko angania aiara te tokarira nako; Ti b'ainikirinaki kanga ai aroia aomata aika ri buakon te ai ma te ieka, Ma Ko kairira nakon te tabo ae ti na maiu iai.

Te Otinako 18:4

Ao e taku naba, “E a tia ni buokai ma ni kamaiuai te Atua ae Tamau man tiringakiu iroun uean Aikubita.” Ma ngaia are, e arana natina te mm'aane are temanna b'a Erietera.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Ieremia 26:24

I a aki uotaki nako ia aomata b'a N na tiringaki i bukina ngke e tei i buku Aikam are natin Tiaban te mm'aane.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

1.Betero 4:12

Ngkami aika kam tangiraki, kam na tai mimi n te b'ainikirinaki ae korakora ae kam taonaki iai ma ni kataaki iai, b'a aongkoa te b'ai ni kamimii ae riki nakoimi;

Tani Motiki-taeka 15:8

Ao i mwiina, e a korobitiia n aki akaaka n ana kabaang. Ao e kiitana Biritia Tamton ao e maeka n te nangananga ni b'a are ni B'aan Etam.

1.Tamuera 18:11

Ao e taku Tauro, “N na ewara Tawita ni kanimm'a ma te o.” Ao e karetekea Tawita uoua te tai, ma e katuai kaina Tawita ake uoua.

1.Tamuera 19:10

E teirake naba Tauro ni karetekea Tawita b'a e na kanim'a ma te o. Ma e katuaa kaina Tawita, ao e nim ma te o te kainiwai arei. Ao e biri n otinako Tawita man te auti ma ni biri nako.

1.Tamuera 20:1

Ao e biri nako Tawita mai Naiota i Ram'a ao e nakon Ionatan ao e taku, “Tera ae I a tia ni karaoia? Tera au bure ae I a tia ni karaoia? Tera te kaairua ae I a tia ni karaoia nakon tamam n te aro ae e nang tiringai iai?”