Ebera 10:22 - Te B'aib'ara

²² ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 10:22 Iomraidhean Croise

1.Uea 15:3

E aki rangi ni kakaonimaki Abiiam nakon te UEA ae Atuana n aron ae a tia ni karaoia ana bakatibu are Tawita, ma e bon aki toki ni bubure n aron tamana are Roboam.

1.Rongorongo 12:33

1,000 taian aobitia man te baronga are Nabetari

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Taian Areru 111:1

Kam na takaruaea neboan te UEA! N na katituaraoa te UEA Ma nanou ni koaua n aia tai ni bootaki ana botannaomata.

Taian Areru 119:10

I kekeiaki n toro iroum ma nanou ni koaua; Kawakinai man riaoan am Tua.

Taian Areru 119:145

I weewete ma nanou ni koaua; te UEA, ongo irou, Ao N na ongeaba nakon am Tua.

Taian Areru 119:2

A kab'aia akana kawakin ana taeka, akana ukoukoria n nanoia ni kabane;

Taian Areru 119:34

Anganai te kona n ota n nanon am Tua, B'a I aonga n ongeaba nako iai, ao ni kawakinna ma nanou ni koaua.

Taian Areru 119:58

I butiko ma nanou ni koaua, b'a Ko na nanoangaai, n ai aron am Taeka.

Taian Areru 119:69

A taekinai n te aro ni kewe akana kainikatonga, Ma I ongeaba nakon am Tua ma nanou ni koaua.

Taian Areru 119:7

Ngkai I reirei am Moti aika raraoi, ao N na katituaraoiko ma nanou ni koaua.

Taian Areru 119:80

E bia moan te kororaoi ongeabau nakon am Tua, B'a I aonga n aki mamaa.

Taian Areru 32:11

Kam na kukurei ma ni kakatonga, ngkami akana kam raoiroi, i bukini baika E a tia ni karaoi te UEA. Ao takaakaa ni kakatonga, ngkami akana kam ongeaba i rouna!

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Taian Areru 73:28

Ma ngai, e raoiroi irou te kaania te Atua. B'a I rineia b'a te tia katanai, N na katanoatai b'aai ni kabane ake E a tia ni karaoi.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 9:1

N na katituaraoiko te UEA, ma nanou ni kabanea N na tataekini b'aai ni kabane aika kamimii ake Ko a tia ni karaoi.

Taian Areru 94:15

E na manga noraki te kaetitaeka ae e raoiroi ni b'ainaki n te kabowi, Ao e na boutokaki irouia aomata akana raoiroi.

Te Otinako 29:4

Kairiia Aaron ma natina mm'aane nako mataroan te Um'antabunrianna b'a a na tebotebo.

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Ieremia 24:7

N na anganiia tangiran te kan ataai ao a na riki b'a Au aomata. Ane a na tangirai b'a N na riki b'a Atuaia, ao ane a na rairaki nako iu ma nanoia ni kabane.

Ieremia 3:10

Ao te b'ai riki ae moan te buakaka, te botannaomata ae Iuta ngke e bakaaea te okirai.

Ieremia 30:21

E na riki b'a ami tia tautaeka temanna mai buakoia oin ami aomata. Ao ngkana I kaoa b'a e na roko ni kaaniai n te tabo n taromauri, e na bon karaoa anne. Bon akea ae konaa n roko ni kaaniai ngkana e aki kaoaki.

Etekiera 16:9

I teboka raraam ni kanakoi ao I kabiriko ni b'aan te oriwa.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Nakoaia Ibonga 14:7

E na tatauriia iai te aomata are e na kaitiakaki man aorakina n te raraa arei itiua te tai, ao i mwiina e na katanoataa te aomata anne b'a e a itiaki. Ao e na anaa te man are temanna ni kakibanakoa.

Nakoaia Ibonga 16:4

Ao E anga te UEA kaetieti aikai. I m'aain rinin Aaron nakon te Tabo are Moan te Tabu, e na riai moa n tebotebo ao e na karina kunnikaina n ibonga: te niiniira ao te kawaerake, te bare, ao te m'aita.

Nakoaia Ibonga 8:6

Ao e kairiia Aaron ma natina m'aane nako mooa, ao e kateboteboia.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Warekaia Iteraera 8:7

tatauriia n te ran ae na teboki aia bure ni kanakoi. Ao tuangiia b'a a na imana rab'ataia ni kabane ma n uatii kunnikaia.

Mataio 3:11

I b'abetitoingkami n te ran b'a kaotan ae kam a tia n rairi nanomi, ma Teuae na roko i mwiu E kakannato riki nako iu, ao I aki tau b'a N na uouoti ana kauniwae; E na b'abetitoingkami n te Tamnei are Raoiroi, ma te ai.

Ruka 1:1

A bati aomata ake a tia ni koroi taekani baike a tia n riki i buakora,

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

Ioane 8:9

Ngke a ongo aomata ana taeka Iesu, ao a oti nako n tatabemaniia, ni moa mairouia unimm'aane ni karokoa ae a bane aia koraki. E tiku Iesu n ti Ngaia, ao e tiku naba te aine arei ni nena are e tei iai.

M'akuri 22:16

Ao tera ae ko kaantaningaia ngkai? Tei rake, ao ko na b'abetitoaki ma ni kaitiakaki man am bure, ni m'anewean aran te UEA.”

M'akuri 8:21

Akea nakoam ao akea tib'angam n te baei, b'a e aki eti nanom i matan te Atua.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Ebeto 3:12

Ngkai ti reitaki ma Kristo, ao ngkai ti onimakinna, ao ti ninikoria ni kawara te Atua ma te aki nanokokoraki.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

I-Ebeto 6:5

Ao ngkami tooro, kam na ongotaeka irouia ami toka aika aomata, n ruru ni maku, ao karaoia ma te nano ni koaua, n ai aromi n ongotaeka irouni Kristo.

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

Tito 3:5

ao ti a kamaiuaki i Rouna, tiaki i bukini m'akuri aika ti a tia ni karaoi ngke ti kani karaoa nanon te Atua, ma i bukin oin nanona n nanoanga; are E kamaiura iai ri nanon te tebotebo ni kaitiaki n te ran are reitaki ma te manga bungiaki, ao n ana m'akuri te Tamnei are Raoiroi ni manga kabouan te maiu.

Ebera 10:1

B'a iai n te Tua nuuni baika raraoi aika na roko, ma nu aikai bon tiaki katotongan ni koaua baika raraoi; ao te Tua e bon aki kona ni kakororaoa kaitiakaia akana kaania te Atua ma karea aika ti te arona aika a anganga n te ririki ae koraki n aki toki.

Ebera 10:19

Ma ngaia aei, taari, ngkai iai i roura te aki maaku n rin n te tabo are moanibaan te tabu ni maten Iesu,

Ebera 11:28

I bukin ana onimaki Moote, ao e a riki iai ni karaoa te Riao ma katimtim'an te raraa, b'a e aonga Aneran te Mate n aki kamateia naati mm'aane ake karimoa.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

Ebera 7:19

B'a akea te bae e kona ni kakororaoia te Tua; ma iai te kaantaninga ae raoiroi riki, are ngaia ae ti a kona iai n roko ni kaania te Atua.

Ebera 9:10

ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.

Ebera 9:19

Ngke e a tia Moote n tuangiia aomata ni kabaneia b'aai ni kabane ake a taekinaki n te Tua, ao e anaa te burae ae uraro ae buraen te tiibu ma te kaib'ab'aa ae te utob'a ao e kamanenai ni katimtim'a iai raraaia bun ni kaao ma kooti, ma te ran i aoia aomata ni kabaneia ma te nira ni boki;

Iakobo 1:6

Ma e na bubuti ma te nano n onimaki, n aki nanokokoraki teutana; b'a ane nanokokoraki ai aron naoni marawa ae ukaki n te ang ao e kaueaki.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;