Ebera 10:11 - Te B'aib'ara

¹¹ Ao a bane ibonga n tei n te bong ae koraki ni karaoi nakoaia ma n okioki n anga karea aika ai uaia nako naba, aika bon aki kona ni kamaunai buure.

Ebera 10:11 Iomraidhean Croise

Te Otinako 29:36

Kam na katoa bong n anga te kaomm'aane b'a te karea i bukin kab'araan buure n ai aron kaitiakan te baonikarea. N reitaki ma anne, ko na taauria te baonikarea ni b'aan te oriwa b'a e aonga n tabu rab'atana ni kabane.

Itaia 1:11

“Bon akea nanon ami karea nako iu I a aoraki n ami karea aika taian tiibu ao taiani kao aika a rineaki; I aki tangira raraaia taiani kao ke taian tiibu ke taiani kooti.”

Etekiera 45:4

E na riki b'a m'akoron te aba aei ae e tabu, ae e kaokoroaki i bukiia ibonga ake a m'akuri i nanon ana Tembora. A na tei naba iai taian auti ao te m'aake ike e tei iai te Tembora.

Taniera 11:31

A na kam'araaea te Tembora ana tautia tabeman. A na katoka te angakarea are e katoa bong, ao a na katea te b'ai are moan te kakamaaku.

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Taniera 8:11

Ao bon akea naba karinean mataniwiin te taanga ni buaka mai karawa i rouna, e katoka te angakarea are e katoa bong nakon te Atua, ao e uruaka te Tembora.

Taniera 9:21

Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Mika 6:6

Tera uotau nakon te UEA ae Atuan karawa, ngkana I roko n taromauriia? E koaua b'a N na uotii kao ataei ma ni kabuokii b'a taiani karea nakoina?

Warekaia Iteraera 28:24

b'a raon ake karean te bong koraki, ao e na kakukureiai boiararan bubuia.

Warekaia Iteraera 28:3

Kam na kakareani uoman taian tiibu mm'aane aika kaka teuana aia ririki ni maiu ni katoa bong b'a ami karea are kakukureiai. A na riai n aki toabuaka rab'ataia maan.

Warekaia Iteraera 29:6

A na karaoaki taian karea aikai b'a raonan karea n te bong koraki ao taiani karea are i bukin moani bongin te nam'akaina. E na bon kakukureiai bubun taiani karea aikai.

Ebera 10:1

B'a iai n te Tua nuuni baika raraoi aika na roko, ma nu aikai bon tiaki katotongan ni koaua baika raraoi; ao te Tua e bon aki kona ni kakororaoa kaitiakaia akana kaania te Atua ma karea aika ti te arona aika a anganga n te ririki ae koraki n aki toki.

Ebera 10:4

B'a a bon aki kona ni kamaunaki buure n raraaia kao mm'aane ma kooti.

Ebera 5:1

B'a te ibonga ae kakannato e a rineaki mai buakoia raona, b'a e na m'akuri i bukin te Atua i bukiia aomata, b'a e na kakaraoi taromauri ma n anganga karea i bukini buure.

Ebera 7:27

E aki riai i Rouna, n ai aroia ibonga ake a kakannato, b'a E na anga karea n te bong ae koraki, n anga moa i bukin oin ana bure, ao rimwi i bukin aia bure aomata: b'a ti teuana karaoan aei i Rouna, ngke E anga Ngaia b'a te karea.

Ebera 8:2

Bon te tia m'akuri Ngaia n te tabo are moanibaan te tabu are n te um'anrianna ni koaua, are E kateia te Uea, ma tiaki te aomata.

Ebera 8:4

Ngke arona b'a E na mena i aon te aba, ao bon tiaki te ibonga, ngkai bon iai ibonga aika anga b'aintituaraoi n aron are e tangiraki n te Tua.