Ebera 1:5 - Te B'aib'ara

⁵ B'a te anera ra ae E kangai te Atua nako ina ngkoa, “Bon Natiu Ngkoe n te bong aei ao bon tamam ngai.” Ke ni kangai, “N na riki b'a Tamana Ngai ao Ngaia E na riki b'a Natiu.”

Ebera 1:5 Iomraidhean Croise

2.Tamuera 7:14

N na riki b'a tamana, ao e na riki b'a natiu te m'aane. N na kaetia ngkana e karaoa te kaairua, n aroia naati ngkana a kaetaki irouia aia karo.

1.Rongorongo 17:13

N na riki b'a kaanga te tama nakoina, ao e na riki b'a kaanga te nati te m'aane nako iu. N na bon aki kaaki au boraraoi ma ngaia, n aron au boraraoi ma Tauro are te uea i m'aain are I a tia ni katokia.

1.Rongorongo 22:10

E na karaoa au Tembora Toromon. E na riki b'a kaanga te nati te m'aane irou, ao N na riki b'a kaanga te tama nakoina. Ni koauana, e na uea n taai nako temanna mai buakoia ana kariki i aon Iteraera.”

1.Rongorongo 28:6

Ao E taku te UEA nako iu, “Bon natim ae Toromon ae e na karaoa te Tembora, ao n na karineaki iai. E na riki Toromon b'a kaanga natiu te m'aane, ao n na riki b'a kaanga tamana.

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

M'akuri 13:33

e a tia ni kakoroa bukin aei nako ira ngaira aika kanoaia bakatibu, ngke E a manga kamaiua Iesu; n ai aron naba are koreaki n te Areru are te kauoua, are kaangai taekana, ‘Bon Natiu Ngkoe, I karikiko n te bong aei.’

Ebera 5:5

Ao ai aron naba Kristo, E aki neboaia i bon i Rouna n arona n riki b'a te Ibonga ae Kakannato Ngaia, ma E neboaki iai iroun te Atua ngke E kangai nako Ina, “Bon Natiu Ngkoe, I karikiko n te bong aei.”