Biremon 1:6 - Te B'aib'ara

⁶ Bon au tataro b'a arom n iraorao ma aomata i bukin am onimaki e na karika i rouia ataakin raoi baika raraoi ni kabane aika iai i roura, aika a kairira nakoni Kristo.

Biremon 1:6 Iomraidhean Croise

Mataio 25:16

Teuare e anganaki nimaua te tarena e aki tab'ara ma e a nako naba ni kam'akuria, ao e karekea rakana ae nimaua riki te tarena.

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

1.I-Korinto 14:25

a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”

1.I-Korinto 16:9

b'a e uki nako iu te mataroa ae warebwe ae kamateraoi i bukin te m'akuri, ao a bati kairiribai.

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.

I-Korote 1:9

Ma ngaia ae ti aki toki naba n tataro i bukimi, man te tai are ti ongo iai taekami, ao ti aki toki ni butia te Atua b'a kam na kaonaki n ataakin nanona, ao n te rabakau ma te ataib'ai ni kabanea are mairoun te Tamnei,

I-Korote 3:10

ao kam a tia ni karina i aomi te aomata ae boou, are e teimatoa arona ni kakabouaki iroun Teuare karikia b'a katotongana, b'a kam aonga n ataia raoi.

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.

Iakobo 2:14

Tariu, tera manena ngkana e taku temanna b'a iai ana onimaki ao akea kakoauaana n ana m'akuri? E kona te aeka n onimaki anne ni kamaiua?

Iakobo 2:17

Ao ai aron naba te onimaki: e mate ngkana ti ngaia ao akea ana m'akuri.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 3:1

Ao i bukimi ainenum'a: kam na aan-taeka irouia oini buumi; b'a e aonga n are ngkana a aki ira nanon ana taeka te Atua mm'aanenum'a, ao a na anaaki nanoia n aroaroia buia. E na aki kainanoaki ami taeka,

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

2.Betero 1:8

B'a ngkana a reke iroumi baikai, ni bati, ao kam na riki ni bongana ma n uaana n ataakin ara Uea are Iesu Kristo.