Biremon 1:22 - Te B'aib'ara

²² Ao i rarikin naba aei, ko na katauraoa te tabo ae N na mena iai: b'a I kaantaninga ae kam na anganaki ngai b'a kaekaan ami tataro.

Biremon 1:22 Iomraidhean Croise

M'akuri 27:24

ao e kaangai, “B'auro, tai maku, e riai b'a ko na tei i matani kautun te tautaeka n Rom; ao noria, i bukin ana akoi te Atua nako im, ao a kamaiuaki iai aomata ni kabaneia ake a borau ma ngkoe.”

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

I-Rom 15:24

Ngkana I m'ananga nako Tibein; ao I kaantaningaia b'a N na noringkami i aoni kawaiu n au tai ni m'ananga, ao ni bakaborauaki nako iai iroumi i mwin tiau n nora aroni kakukurein te mena i buakomi i nanon te tai ae kimototo.

2.I-Korinto 1:11

ngkai kam buokira n tataro i bukira, b'a a aonga n tataro ni katituaraoi i bukira aomata aika bati i bukin te kab'aia are ti anganaki b'a kaekaan taian tataro aika bati.

I-Biribi 1:19

B'a I ataia b'a man ami tataro ao n ana buobuoki Tamnein Iesu Kristo, ao e na riki aei nako iu ae N na boni kainaomataaki,

I-Biribi 2:24

Ao I bon aki nanokokoraki, b'a ngkana nanon te UEA, ao ngai naba N na nakoimi n aki waeremwe.

Ebera 13:19

Ao bon au bubuti nako imi ae bati b'a kam na tataro i bukira, b'a I aonga ni waekoa ni manga okiringkami.

Ebera 13:23

Kam na ata tarira are Timoteo b'a e a tia ni kainaomataki; ao ngkana e aki waeremwe n roko i rou, ao ti na uaia n noringkami.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

2.Ioane 1:12

Ngkai a bati au taeka aika I kani koroi nako imi, ao I aki kani koroi n te beb'a ma te anto.

3.Ioane 1:14

Ma I kaantaninga b'a N na waetata n noriko, ao ti na taetae ni kaaitara.