Biremon 1:20 - Te B'aib'ara

²⁰ Eng, tariu, I bia buokaki i roum i bukin te Uea: ko na kamaiua nanou ngkai ko reitaki ma Kristo.

Biremon 1:20 Iomraidhean Croise

1.I-Korinto 16:18

b'a a karekea raun tamneiu ma tamneimi; ma ngaia ae kam na aki m'am'aninga taekaia aeka n aomata akanne.

2.I-Korinto 2:2

B'a ngkana I karawawataingkami, ao antai ae na kakukureiai ma ti te aomata are I a tia ni karawawataa?

2.I-Korinto 7:13

Ma ngaia ae a karauaki nanora. Ao i rarikin raun nanora aei, ao e a kabatiaki riki kakatongara ni kakatongan Tito, i bukina ngke e a tia ni karauaki tamneina i roumi ni kabaneingkami.

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Biribi 4:1

Ma ngaia aei, tariu aika kam tangiraki, aika kam kan noraki i rou, ae kakim'areireiau, ao au baunuea, kam na teimatoa i nanon te UEA, ngkami aika kam tangiraki.

Biremon 1:12

ae I a manga kaokia nako im, ma nanou ae bane i rouna.

Biremon 1:7

B'a e bati au kim'areirei ma kabebetean nanou n am tangira, tariu, b'a a kamaiuaki nanoia ake a itiaki i roum.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?

3.Ioane 1:4

Akea au kim'areirei ae bati riki nakon aei, ae te ongo b'a te koraki ake kanga natiu a b'ab'aina te koaua.