Biremon 1:14 - Te B'aib'ara

¹⁴ Ma I aki kani karaoa te b'ai teuana, ngkana ko tuai ni kataua; b'a e kawa n riki akoakiu i roum b'a te bae ko tebonaki iai, ao tiaki te bae nako mai nanom.

Biremon 1:14 Iomraidhean Croise

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

1.I-Korinto 9:17

B'a ngkana I karaoa aei i bukin ae I boni kani karaoia, ao e na reke iai boon au m'akuri; ma ngkana I karaoia i bukina b'a tiaki oin nanou, ao I karaoia b'a bon au m'akuri ae I anganaki b'a N na karaoia.

1.I-Korinto 9:7

Antai te tautia ae boni kab'akai booni mwin ana kabanem'ane i nanon ana tai ni m'akuri n tautia? Antai ae uniki kureebe ni nneia ae e na aki kang uaana? Antai te tia kaawakintiibu ae aki karekea nimana n rannimammaia tiibu?

2.I-Korinto 1:24

Tiaki nanora b'a ti kan tautaekaningkami, n tuangngkami aromi n onimaki; ma bon raao ngaira ni m'akuri i bukin ami kim'areirei, ngkai kam teimatoa n te onimaki.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 9:5

Ma ngaia are I taku b'a e riai b'a N na butiia taari aikai b'a a na rimoau nako imi, ni katauraoia i m'aiu te b'ai n tituaraoi are kam a tia ni kab'aka ami taeka iai b'a kam na karekea, b'a e aonga n tauraoi b'a te b'ai ae aki kairoroaki ma te b'ai ae nako man nanomi.

2.I-Korinto 9:7

E na angab'ai te aomata n ai aron are e taku, tiaki man te nano ae rawawata ke n te aro ni kairoro; b'a te Atua E tangira te aomata ae anga ma nanona ae kukurei.