B'aeb'aeti 4:5 - Te B'aib'ara

⁵ A mate i nuukan te kaawa aomata ngkoa ake a am'am'arake raraoi. A kakae kanaia i nanon turam aomata ngkoa ake a maiu ni kaub'ai.

B'aeb'aeti 4:5 Iomraidhean Croise

2.Tamuera 1:24

Ainen Iteraera, taang i bukin Tauro. E anganingkami te kunnikai ae e tamaroa ae e uraura ao te b'ai ni katamaroa ae e karaoaki n te koora.

2.Uea 18:27

Ao e kaeka teuare te mataniwi ni buaka mai Aturia, “E kanakomaiai au uea b'a N na taetae nakoia aomata ni kabane, ao tiaki ti nakoia taani kairiiri. Ae a nang kana nakotariia ma mimiia aomata aikai n te tai ae e aki maan. Ao ai uana naba ngkami akana teniman aikanne.”

Iobi 24:8

A m'aim'ai n te karau are b'aka i aon taiani maunga, ao a karabaia i rarikin taiani b'a ni kamanoia iai.

Taeka n Rabakau 31:21

A b'ainiia ana utu ni kunnikai aika a abue, ai ngaia are, e aki raraoma ngkana e roko tain te tinoo.

B'aeb'aeti 1:11

A tang ni korakai aomatana ngke a kakaei kanaia; A rairi aia b'ai nakoia tabem'aang n te am'arake b'a aonga n aki mate. E a tang Ierutarem nakon te UEA, “Taiaoka te UEA, taraa rawaawatau.”

Ruka 15:16

Iai nanona ni kani kana kanaia beeki ake a kang, ma akea ae anganaki maiai.

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

Ruka 7:25

Tera ngkanne are kam nako iai b'a kam na noria? Te aomata ae kunnikaina n te kunnikai ae maraurau? Noria, a mena n aia auti uea aika kunnikaia ni kunnikai aika tikiraoi, ao a am'arake raoi.

1.Timoteo 5:6

Ma te aine ae ti te kani kakukureia rab'atana, e boni ngae ngke e maiu, ma e mate.