B'aeb'aeti 4:16 - Te B'aib'ara

¹⁶ Akea riki manga taben nanon te UEA irouia; E a bon kamaenakoia. E a aki kubariia ara ibonga ma ara taan kairiiri.

B'aeb'aeti 4:16 Iomraidhean Croise

Karikani B'aai 49:7

E na mena te maraia i nanon uniia, i bukina ngkai a rangi n tiritiri, ao i aon naba bonon nanoia, i bukina ngkai a rangi ni bee. N na kakionakoia mai aon abaia Iteraera. N na kauamaaeia i buakoia kaain aia kaainga.

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Taian Areru 106:27

Ma ni kauamaaeia nako aia kariki i buakoia botannaomata, Ao a na mate n aaba aika tiaki abaia.

Taian Areru 106:44

E ngae n anne, ao E bon ongo naba aia tataro n aia tai n rawaawata.

Itaia 24:2

n reitaki ma ake bon aomata ao taiani ibonga, tooro ao tooro ake aia taani m'akuri taani b'aib'ai, taani kaboob'ai ao taani kabonako b'aai, taani kairiiri ao taan tangob'ai, kaub'ai ao ake a maiu ni kainano.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 52:24

I mwiina, a katiki Teraia are te mataniwi ni ibonga ma te tia buokia are Teb'ania, ao mataniwiin te Tembora aika teniman i roun Nebutaratan

B'aeb'aeti 2:20

Taraia Atuau! E aera ngkai Ko katuaaira n aron aei? A manga bon kang rab'ataia aia ataei aika a tangiriia tiina! A bon tiringaki ibonga ma burabeti n te Tembora!

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

B'aeb'aeti 5:12

A anaaki ara taan kairiiri ao a kabaeaki roroaia, a akea karineaia ara unim'aane.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 32:26

I tangiria ni kamaenakoingkami b'a e aonga n aki ataaki b'a kam boni maeka ngkoa ikanne.

Ebera 8:9

E na aki ti te bo ma te boraraoi are I karaoia ma aia bakatibu n te bong are I tauu baiia iai ni kaotinakoia man te aba are Aikubita. I bukina ngke a aki kakaonimaki nakon au boraraoi, ai ngaia anne are I aki mutiakiniia iai, bon ana taeka te Uea.