B'aeb'aeti 2:9 - Te B'aib'ara

⁹ A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

B'aeb'aeti 2:9 Iomraidhean Croise

2.Uea 25:7

A tiringaki natin Tetekia bon i matana. A autaki kanoani matana ni karebenakoaki, ao e kabaeaki n taurekereke ma ni uaakinaki nako B'aburon.

2.Rongorongo 15:3

E rangi ni maan te tai ae a aki taataromauriia iai te Atua ni koaua Iteraera ke ni kakauongo nakoia taiani ibonga ake a konaa n reireiniia taekan te Atua. Ma a rawa n ongotaeka nakon ana tua te Atua.

Neemia 1:3

Ao a taku nako iu, “Bon iai aia kangaanga aika a m'aiti taenikai aika a okirikaaki. A bon rangi ni b'ainrang ngkai e a uruaki oon Ierutarem, ao a tia naba ni kabuokaki mataroana.”

Taian Areru 74:9

Akea kanikina aika kamimii aika ti noori; akea nikiraia burabeti n tiku; Ao akea temanna ae ataa maanin tain te aro aio.

Itaia 24:12

A uruakaki taiani kaawa aika a buubura; ao a kamaaenikunaki ni kab'akaaki mataroan taiani kaawa.

Ieremia 14:14

Ao E kaeka te UEA ni kaangai: A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Ieremia 39:2

Ao e b'aka nonon te kaawa ni karuaiwan bongin te nam'akaina are te kaaua n ana katebwi ma teuana n ririki ni uea Tetekia.

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 51:30

E a tia ni mauna korakoraia ao ninikoriaia tautian B'aburon. A tiku n aia nono, n aki konaa ni buaka, ngke a roko kairiribai n ninia mataroan nako te kaawa, ma ni kabuoki taiani mwenga ni kabane n te ai.

Ieremia 52:14

Ao i mwiina, e tuangiia tautian B'aburon b'a a na urui oon nako Ierutarem.

B'aeb'aeti 1:3

A riki aomatan Iuta b'a tooro aika akea aroia, aika a uotaki nako mani mwengaia. A maeka n te aba ae a iruwa iai, ae akea abaia ike a na inaomata n ununiki iai. E katobibiaki irouia ana kairiribai, ao e aki kona n reke birinakoia.

B'aeb'aeti 4:15

A takaarua aomata ni kaangai, “Baane naako, b'a kam kam'araa, tai riingiira!” ma ngaia are a rere man te botannaomata teuana nakon teuana ma akea ae butim'aia.

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Etekiera 12:13

E na taakina te karaun te UEA ni kam'anea ngke e tabe ni kiitana Ierutarem. Ao i mwiina, e na uotaki nako te kaawa are e buubura are B'aburon, ma e na aki manga oki n noora te tabo arei, e ngae ngke e na boni mate ikekei.

Etekiera 17:20

N na taakina te karaun ni kam'anea. Ao i mwiina, N na uaakinna nako B'aburon ma n nooria raoi b'a e bon katuaaeaki i bukin ana aki kakaonimaki nako iu.

Etekiera 7:26

Ane a na okioki te waaki aei, ao ane kam na ongo te rongorongo ae e aki kakukurei. A na buubutia te burabeti aomata b'a e na kaongoraaia au rongorongo. A na toki ni kab'arab'araa au Tua ibonga, ao a na aki konaa naba n anga taeka n reirei taan iango.

Otea 11:6

E na roko te buaka n aia kaawa nako, ao a na b'aka aia babaaire.

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Amota 1:5

N na urua mataroan te kaawa ae Taamateko, ao N na kam'aeia nako kain te m'arua are Awen ma te tia taua taekan Beta-eten. Ana anaaki kain Turia b'a taenikai nakon te aba are Kira.”

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Te Tua-Kaua 28:63

E rangi ni kukurei te UEA ni katetekeraoingkami ma ni buoka ami botannaomata ni karikirakea ngke kam buakana te aba n taua. Ma ngkana kam aki ongotaeka nakoina ao E na manga bon rangi ni kukurei naba ni koutingkami mani wakaami.

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.