B'aeb'aeti 2:7 - Te B'aib'ara

⁷ E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

B'aeb'aeti 2:7 Iomraidhean Croise

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

2.Rongorongo 36:19

A kabuoka te Tembora ana taanga ni buaka Nebukaneta ao a urui b'aai ni kabane kateitei aika a kakaawaki ake i nanon oon te kaawa are e buubura arei.

Taian Areru 89:39

Ko a tia n urua am Boraraoi ma am Toro ao Ko anaa nakoana n uea mai rouna.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Ieremia 21:4

A katobibiia Ierutarem kaain B'aburon ao a tangiria n tiringko ma am aomata. Ko butiai b'a N na kamaiuko, ma ko a tia ni kaunai.

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 4:26

A riki b'a taian rereua taabo n ununiki ngkoa, ao a uruaki kaawa nako. E kariki b'aai aikai ni kabane unin te UEA ae e kakamaaku.

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

B'aeb'aeti 1:4

Bon akea temanna ae roko n taromauri n te bong ae tabu. A uotaki nako ana ataeinaine, a tang taian ibonga. Akea kaain taian mataroa, e a kananokawaki Tion.

B'aeb'aeti 2:1

E karokoa te rootongitong ae korakora te UEA i aon Tion i bukin unna. E onika mimitongina are b'aka mai karawa nakon te urubekebeke. E na bon aki rin naba n ana Tembora n te bong are E un iai.

B'aeb'aeti 2:5

E a tia ni kamaunaa Iteraera te UEA, n ai aron te kairiribai; E kiitan taian nono ma baareti ngke a uruaki. E karokoa te rawaawata ae akea tokina i aon Iuta.

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Etekiera 7:24

ma ngaia are, N na tuangiia botannaomata ake taiani kabanea ni buakaka b'a a na roko n anai mwengami. A na katoka te kainikatonga ane i nanon ami taanga ni buaka ae e korakora, ao a na karaoi ami tabo n taromauri b'a taabo aika a aki tau ni kamanenaaki.

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Nakoaia Ibonga 26:44

E aki akaaka b'a tera ae kam a tia ni karaoia, ma bon te UEA naba Ngai ae Atuami, ao N na bon aki manga katikui taekami, ke ni kairiribai ma ngkami i abaia ianena.

Amota 2:5

Ngaia are N na kab'aka te ai i aon Iuta, ao N na kabuoki nonon Ierutarem.”

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”