B'aeb'aeti 2:6 - Te B'aib'ara

⁶ E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

B'aeb'aeti 2:6 Iomraidhean Croise

Taian Areru 74:7

A urubekebekea am Tembora ao a kabuokia; A kam'araea nem n tataromauriaki.

Taian Areru 76:2

E mena mwengana i Ierutarem; E maeka i aon te maunga are Tion.

Taian Areru 80:12

Ko aera ngkai Ko kab'aka ooia are katobibiaki? Ae a roko iai aomata aika Ianena n iraei kaub'aina;

Taian Areru 89:40

Ko a tia n ururu oon ana kaawa ao Ko kamaenikun ana tabo ni karabaraba.

Itaia 1:13

Akea boonganan ami karea, ao a rangi n ribaaki ami b'ai ni kaboiarara. I aki konaa moan ami m'akuri aika buakaka aika kam karaoi n ami Toa ae Moan Otin Nam'akaina ke n ami Taabati ao taai n taromauri ake tabeua.

Itaia 1:8

A katobibia Ierutarem ana kairiribai, n ti ngaia kaanga te um'atoro i nanon te nne n aroka ni kureebe ke i nanon te tawaana ni kukamb'a.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Itaia 64:11

E a tia ni mauna n te ai Tion ao te Tembora are e tabu ike a neeneboiko iai ara bakatibu. A riki b'a b'ariko n atiibu ara auti nako ngkoa ake a rangi n tamaroa.

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 45:4

Ma I urui ni kab'akai b'aai nako aika I katei ma n taeki aika I uniki ni kabutaa te aonnaba.

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

B'aeb'aeti 1:4

Bon akea temanna ae roko n taromauri n te bong ae tabu. A uotaki nako ana ataeinaine, a tang taian ibonga. Akea kaain taian mataroa, e a kananokawaki Tion.

B'aeb'aeti 4:16

Akea riki manga taben nanon te UEA irouia; E a bon kamaenakoia. E a aki kubariia ara ibonga ma ara taan kairiiri.

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

B'aeb'aeti 5:12

A anaaki ara taan kairiiri ao a kabaeaki roroaia, a akea karineaia ara unim'aane.

Etekiera 17:18

E urua oin ana berita uean Iuta ao e katinanikua te boraraoi ma B'aburon. Ma ngaia are, e riai ni katuaaeaki!

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Teb'ania 3:18

n ai aroia aika onrake nanoia n te kukurei.” E taku te UEA, “I a tia ni uotaanako rekenikaim ao n taekaanako rawawatam.

Maraki 2:9

Ma ngaia are, I karaoia aomata nako b'a a na ribaingkami ma n aki kubaringkami, i bukina ngkai kam aki ongotaeka irou ma n aki konaa ni karaoa ae ti te arona nakoia aomata nako.