B'aeb'aeti 2:4 - Te B'aib'ara

⁴ E kainetiira n Ana kanoanikatebe n ai aron te kairiribai; E tiringiia aika a bati n tangiraki iroura. Ti bati n namakina uran unna i aon Ierutarem.

B'aeb'aeti 2:4 Iomraidhean Croise

2.Rongorongo 34:21

“E bae n rangi ni un te UEA irou ao irouia aomata naba ni kabane i Iteraera ao i Iuta, i bukina b'a a tia n aki ongotaeka ara bakatibu nakon taian tua aika m'akoro i nanon te boki aei. Naako kakaaea b'a tera nanon te UEA ae ti na karaoia.”

2.Rongorongo 34:25

A tia kaain Iuta ao Iteraera n aki kubarai. A tia n anga karea nakoia antiia ianena ao a tia naba n taromauriia aia bouannanti ake bon aia b'ai. I a bon aki konaa aroia aei. I a rangi n un irouia.

Iobi 19:11

E un te Atua ao E rangin korakora unna nako iu; ao ni karikai b'a ana kairiribai ae moan te buakaka

Iobi 6:4

E a tia te Atua ni katebeai n taian kainikatebe, ao e buta i nanon rab'atau boitinna. E katauraoa buakanakiu te Atua.

Taian Areru 37:14

A buuti aia kabaang aomata akana buakaka, ao a tauraoi ni kanakoi kanoan aia kainikatebe, b'a a na kamateia akana akea aia b'ai ma akana a kai nanoia; Ao a na tiringiia akana raraoi aroia

Taian Areru 7:13

E katauraoi ana b'ai ni buaka aika a kamaamate.

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Itaia 63:6

I toutouia botannaomata ni bonon nanou ao I karaoia b'a a na koro ni manging; a tii nako raraaia nakon taabo nako n te aonaaba.”

Ieremia 10:20

A uruaki mwengara; ao a mate natira. Bon akea nikiraia ake a na buokiira ni kakaaea kamanoara.”

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 21:5

Ma ngaia are, N na arora baiu ae e korakora ni buakaniko ni bon ti Ngai. A kamanenai taian kainiwai ao kabaang am taani buaka ni buakaniia kaain B'aburon, ma N na karaoa ami b'ainibuaka b'a a na manga bon buakaningkami.

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 36:7

E bono nanon te UEA, ao ngkana a ongo aomata arona ni katuaaia, ao tao a na bae ni buubuti kab'araan aia bure.

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

B'aeb'aeti 1:13

E kanakoa te ai mai karawa, ae e ura i nanou. E taakina te b'ai ni kam'ane i m'aaiu, ao E tauai iai, ao E kiitanai ni katukai ma te maraki.

B'aeb'aeti 2:5

E a tia ni kamaunaa Iteraera te UEA, n ai aron te kairiribai; E kiitan taian nono ma baareti ngke a uruaki. E karokoa te rawaawata ae akea tokina i aon Iuta.

B'aeb'aeti 3:3

Ao e ri aon ae riai oreau i rouna.

B'aeb'aeti 4:1

E a bua raneanean ara koora ao e a mangaingai; A wene n raea atiibun te Tembora i nanon te kaawa.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 13:13

Bon Ierutarem te oo anne. Ao boni Ngai ae te UEA ae te Atua ae I kanakoa te ang ae e korakora, buakani karawa, ao te karau te atiibu b'a e na urua.

Etekiera 20:34

ao m'aakau, ngkana I boobotingkami man taabo ake kam uamaae nako iai

Etekiera 22:22

kaanga te tirewa i nanon te ai ae e ura m'aaka. Ao i mwiina, a na ataia b'a bon te UEA Ngai ae I katuaaia n uniu.

Etekiera 24:25

E taku te UEA, Etekiera, N na waekoa n urua te Tembora are kam kainikatonga iai ma n taku b'a kam mano iai, ao N na uotiia nako naba natiia.

Etekiera 36:18

A tiritiri ao a taromauri bouannanti, ake a kabuakaka aon te aba. Ma ngaia are, I katuaaia Au aomata ni marakin nanou

Etekiera 5:13

Kam na namakina korakoran uniu ni karokoa tian raoi au karekekai. Ao i mwiin anne, kam na ataia b'a I un Ngai ae te UEA i bukin ami aki ongotaeka.

Etekiera 6:12

Akana a maeka n taabo aika a raroa nako a na oreaki n te aoraki ae e kamaamate. Akana a maeka n taabo aika a kaan a na tiringaki n te buaka. Ao akana a tiku a na mate n te baki. N na aki taotaona nanou irouia!

Etekiera 7:14

E a tia ni katangaki te bu are te kanikina, ao a tia ni katauraoaki taian b'ai ni buaka. Ma bon akea ae nakon te buaka, i bukina b'a N na oroia aomata ni kabane i aon Iteraera n uniu.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Te Tua-Kaua 32:22

Au Aomata, N na ikeikena te ai are e na kab'akaingkami nako abaia maate. E na tiring arokan ami nne n aroka ma ni kabuoki rikaaki aan taiani maunga.

1.Tamuera 28:16

Ao e taku Tamuera, “Ko kangaa n weteai ngkana E a tia ni kiitaniko te UEA b'a e a manga riki b'a am kairiribai?