B'aeb'aeti 2:21 - Te B'aib'ara

²¹ A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

B'aeb'aeti 2:21 Iomraidhean Croise

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Etita 3:13

A anaa te reta arei taan uarongorongo, ao a biri nako n nikiri n aban nako te tautaeka arei. Kanoan te reta arei bon taekaia taian I-Iutaia ni kabane; aika a uarereke ma kaara, aine ma ataei b'a a na bane n tiringaki n te bong ae ti te bongina ae te katebwi ma tenua ni bongin te nam'akaina are Ata. A na bane n tiringaki n aki manga nanoangaaki teutana, ao a na anaaki aia b'ai ni kabane.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Ieremia 11:22

Ma N na katuaaia. Ane a na mate aia rorobuaka n ataei n te buaka, ao ane a na mate ni baki natiia.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 51:22

ao ai uana naba ma mm'aane ao aine, ataei ao kaara,

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 9:20

“Ti butingkami aine b'a kam na kakauongo raoi nakon te b'ai ae E taekinna te UEA. Ti na reireiningkami te anene ni mate are kam konaa ni manga reireiniia natimi aine ma raoraomi:

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

B'aeb'aeti 1:15

E ngareakiniia ni kabane au tautia aika a korakora te UEA; E kanakoa te taanga ni buaka b'a a na tiringiia au rorobuaka. E kamanatuaia au aomata n ai aron te kureebe n te tabo n toutou kureebe.

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

B'aeb'aeti 1:4

Bon akea temanna ae roko n taromauri n te bong ae tabu. A uotaki nako ana ataeinaine, a tang taian ibonga. Akea kaain taian mataroa, e a kananokawaki Tion.

B'aeb'aeti 2:17

E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

B'aeb'aeti 2:2

E na bon kamaunai kaawan nako Iuta te UEA n akea ana nanoanga. Ao E na katabwenai taian nono ake otangan te aba. E uota te rawaawata nako aon abanuea ma taan tautaeka.

B'aeb'aeti 3:43

Ko taorimwiira n tiringiira; e rabunaki am Nanoanga n unim;

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 7:4

n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Amota 4:10

“I karokoa te kai i aomi n ai aron are I oroia naba ngkoa iai I-Aikubita. I tiring ami rorobuaka n te buaka ao I uoti nako ami aoti. Ao I kaboiraaea ami kaawa ni kabatia te aomata ae mate iai. Ma kam bon teimatoa naba n aki onimakinai.

Amota 8:13

N te bong arei a na b'aka ni kiro m'aane ma aine aika a marurung i bukin korakoran te taka.

Tekaria 11:6

Kaawakiniia tiibu aikai, b'a N na aki manga nanoangaiia kaain te aonnaba aei. N na kauniia aomata ma kaain rarikiia ao N na karikiia b'a ana toro te uea. A na karokoa te kabuanib'ai nakon te aonnaba, ao bon akea te m'akuri ni kamaiu teuana ae N na karaoia nakoia.

Te Tua-Kaua 28:50

A na bon aki nanoanga naba teutana, ao a na bon akea naba karineaia aomata aika a kara ke n nanoangaia ataei.

Te Tua-Kaua 32:25

Ti te bo aroia aika ikawai ma ataei a na mate i nanon kawain te kaawa ao a na maaku i nanon aia auti.

Iotua 6:21

A tiringiia kaain te kaawa ni kabane, aika m'aane ma aine, ao ataei ma kaara. A tiringiia naba maan ni kabane, aika kaao, tiibu ma taian aati n aia kabaang.

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”