B'aeb'aeti 2:2 - Te B'aib'ara

² E na bon kamaunai kaawan nako Iuta te UEA n akea ana nanoanga. Ao E na katabwenai taian nono ake otangan te aba. E uota te rawaawata nako aon abanuea ma taan tautaeka.

B'aeb'aeti 2:2 Iomraidhean Croise

Iobi 2:3

Ao e taku te UEA, “Tera am iango iroun au toro are Iobi? Bon akea temanna i aon te aba ae kakaonimaki ma n raoiroi riki nako ina. E tataromauriai, ao e kabanea korakorana n aki kakaraoa te m'akuri ae buakaka. Ko a tia ni imanonoai b'a N na kariaia b'a ko na kataia n akea bukina, ma e bon teimatoa naba Iobi n arona ni kakaonimaki.”

Taian Areru 21:9

Ngkana E kaoti te UEA ao ane na onikia b'a te ne ni kanaiai ae ura; Ao ane E na ongia n unna, ao a na ura rake n te ai.

Taian Areru 74:7

A urubekebekea am Tembora ao a kabuokia; A kam'araea nem n tataromauriaki.

Itaia 22:5

E a tia te UEA ae Moan M'aaka n rinea te tai are e na kaonaki iai te M'arua are Kaotioti n taian takaarua ao taiani kamangaongao, ao te tai naba ni butiia taiani maunga b'a a na buokiia.

Itaia 23:9

Bon te UEA ae Moan te M'aaka ae e baaireia b'a e na karokoa te mamaa ma te b'ainrang nakoia akana a karineaki irouia aomata nako n te aonnaba.

Itaia 25:12

Ane a na b'aka oon aia nono nako ma ni maae nako i buakon te baareka.

Itaia 26:5

E a tia te Atua ni kab'akaia ara kairiribai man aia kaawa are e buubura are i aon te maunga ao e taunna n te baareka.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 5:10

N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

B'aeb'aeti 2:17

E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

B'aeb'aeti 2:5

E a tia ni kamaunaa Iteraera te UEA, n ai aron te kairiribai; E kiitan taian nono ma baareti ngke a uruaki. E karokoa te rawaawata ae akea tokina i aon Iuta.

B'aeb'aeti 3:43

Ko taorimwiira n tiringiira; e rabunaki am Nanoanga n unim;

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Etekiera 7:4

n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Mika 5:14

N na kab'akai bannan te atua n aine are Nei Aatera akana i abam, ao N na urui am kaawa nako.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

Mataio 18:33

ao tiaki b'a ko riai n nanoanga raom n toro, n ai arou ngke I nanoangaiko?”

2.I-Korinto 10:4

b'a ara b'ai ni buaka aika ti kamanenai n te buaka bon tiaki b'ain aon te aba, ma b'ai ni buaka aika korakora iroun te Atua n uru taabo ni buaka aika matoatoa. Ti uru taeka ni baka n rabakau,

Te Tua-Kaua 28:52

Ami kairiribai ane a na buakan kaawan nako te aba are E a tia n anganingkami te UEA ae Atuami. Ane kam na taku b'a kam mano raoi n oon ami kaawa, ma ane a na uruaki naba irouia ami kairiribai,

Te Tua-Kaua 32:22

Au Aomata, N na ikeikena te ai are e na kab'akaingkami nako abaia maate. E na tiring arokan ami nne n aroka ma ni kabuoki rikaaki aan taiani maunga.