B'aeb'aeti 1:8 - Te B'aib'ara

⁸ Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 1:8 Iomraidhean Croise

Karikani B'aai 3:7

Ni bon te tai naba are a kanna iai, ao e a reke i rouia te wanawana, ao a tib'a ataia ae a bebeekan. Ma ngaia are, a itutui baan kaai aika biiku, ao a karabaniia iai.

1.Uea 9:6

Ma ngkana ko aki ongotaeka ke e aki ongotaeka kanoam temanna nakon Au tua, ke ni manga taromauri anti tabem'aang,

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

1.Uea 9:9

Ao ane a na kaekaaki ni kaangai, Ti ataa bukin karaoan aei iroun te UEA. A tia aomatan Iteraera n aki kakaonimaki nakon te UEA ae Atuaia, are E kamaiura mai Aikubita, ao a manga taromauri anti tabem'aang.

Itaia 47:3

Ko na rawata ni mamaa ni kabebeekanaki, i bukina b'a I a tia ni karaoa te irantaanga, ao bon akea ae e konaa ni biri nako.

Ieremia 13:22

Kam ataia b'a aera ngkai a raeraeaki ami kunnikai ao ma ni kabuakakaki? B'a bon i bukin ami bure aika a rangi ni buakaka.

Ieremia 13:26

Kam mareaki ma Ngai, ma kam aki kakaonimaki. Kam riki naba b'a ainen mataawa n aromi n taromauri anti aika a ribaaki i aon taian tabuki ma tawaana.

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 34:17

Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 6:28

Ao ane ko na kuneia b'a ti te bo matoaia ma kaanga te buraonti ao te biti. Bon taani kakaitaraai aika a taningamatoa ngaiia, ao a aki toki n tataekin taiani kewe.

B'aeb'aeti 1:11

A tang ni korakai aomatana ngke a kakaei kanaia; A rairi aia b'ai nakoia tabem'aang n te am'arake b'a aonga n aki mate. E a tang Ierutarem nakon te UEA, “Taiaoka te UEA, taraa rawaawatau.”

B'aeb'aeti 1:17

I anganako baiu, ma bon akea ae kani buokai. E a tia ni karokoia au kairiribai te UEA man taabo nako. A karaoai b'a kaanga te b'ai ae kam'araa.

B'aeb'aeti 2:10

A tekateka unim'aanen Ierutarem n aki kakarongoa i aon te tano, a tauni atuia n te tano ao a kunnikainiia ni kunnikai aika a mangaingai. A kabaraaki atuia ataeinaine nako aontano.

B'aeb'aeti 4:21

Kam na ngarengare aika aomatan Etom ma Uti; Kakatonga n aron ae kam kona. B'a ae nang roko naba te kangaanga i aom; ko na kanakonakoaki naba ni bebeekan.

Etekiera 23:29

A na uoti b'aai nako n te aro ae e aki raoiroi ake ko bon karekei n am m'akuri korakora ao a na buuti kunnikaim ni kabebeekaniko. Ao a na bane aomata n nooriko b'a bon ainen mataawa ngkoe. A kairiko oin am bure

Etekiera 23:46

Ma ngaia ae bon Ngai ae te UEA ae te Atua ae I taetae nakoia taari aika uoman aikai ni kaangai: N na ikotiia te koraki ni kakiriwe ae a na kabuakakaingkami ma ni kimoaingkami.

Etekiera 39:23

A na ataia botannaomata aika ianena b'a a kairoroaki Iteraera b'a a na kiitana oin abaia i bukina ngkai a bure nako iu. I tannako mairouia Au aomata ao I kariaia taiani kairiribai b'a a na buakaniia ma n tiringiia.

Otea 2:10

N na buuta kunnikaina ni kabebekanna i mataia ana tangira nako, ao bon akea temanna ae e na konaa ni kamaiua.

Otea 2:3

b'a I kaawa ni buuta kunnikaina ni kabebekanna kaanga te bong are e moan bungiaki iai. N na karikia b'a e na kanoabo kaanga te rereua, ao e na mate n te taka.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.