B'aeb'aeti 1:4 - Te B'aib'ara

⁴ Bon akea temanna ae roko n taromauri n te bong ae tabu. A uotaki nako ana ataeinaine, a tang taian ibonga. Akea kaain taian mataroa, e a kananokawaki Tion.

B'aeb'aeti 1:4 Iomraidhean Croise

Itaia 3:26

E na tanginiwenei te kaawa ae e buubura ao a na tekateka i aon te baareka, ao a na akea kaaina.

Ieremia 10:22

“E na ongo te aba karongoaan te urub'ai mai meaang ae kaanga ai aron te baa. Ao n te tai ae e aki maan, a na uruaki ara kaawa nako ao a na maeka iai taian tiakaore.”

Ieremia 14:2

A tang Iuta ma Ierutarem ngke e a m'autakataka te aba.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 1:21

“Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

B'aeb'aeti 5:13

A kairoroaki ara rorobuaka n ataei b'a ana karabinoi atiibu n i uita n ai aroia tooro; a bebebebe rorobuaka n ataei i aan rawawatan uotaia.

B'aeb'aeti 5:14

A akea karinean aia moti unim'aane ni mataroan te kaawa, e a toki naba te katangitang irouia rorobuaka n ataei.

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!

Nakoaia Ibonga 26:22

N na kanakoi man aika kawakawa aika a kaakang b'a a na buakaningkami, a na kaniia natimi ma ami naa ni man aika kawakawa nako. Ma ngaia are, a na tii tabeman ami koraki n tiku n te aro ae e na aki bongana te kawai.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.