B'aeb'aeti 1:3 - Te B'aib'ara

³ A riki aomatan Iuta b'a tooro aika akea aroia, aika a uotaki nako mani mwengaia. A maeka n te aba ae a iruwa iai, ae akea abaia ike a na inaomata n ununiki iai. E katobibiaki irouia ana kairiribai, ao e aki kona n reke birinakoia.

B'aeb'aeti 1:3 Iomraidhean Croise

2.Uea 25:11

E kairiia nako aomata ake nikira b'a taian taenikai, n ikotaki naba ma koraki ake a tib'a kakaonimaki nakon Nebukaneta.

2.Uea 25:21

i rarikin Amata, ike e a tiringiia iai Nebukaneta. A aki manga maeka n oin abaia kaain Iuta.

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

2.Uea 25:5

ma a kauiaaki irouia tautian B'aburon i rarikin Ieriko. A katika Tetekia, ma a uamaaenako ni biri nako ana tautia ni kawai aika a kakaokoro.

Ieremia 13:19

A a katobibiaki kaawan nako Rereuan Maiaki; ao bon akea temanna ae e kona n rin ke n otinako. A na uotaki nako kaain Iuta ni kabane.

Ieremia 16:16

Ma n te tai aei, N na kanako ia kairiribai ake a na raweingkami kaanga te ika ma ni kam'aneingkami kaanga maan aika a aki manana i aon taian tabuki ao taian nangananga ni b'aa.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 39:9

Ao Nebutaratan, te aobitia are e tararuaia taan tei, e kairiia aomata ni kabane man te kaawa b'a taenikai, ao ai uana naba ma koraki ake a tia ni kaaina ana itera Nebukaneta.

Ieremia 52:15

E kairiia nako aomata ake taiani nikira n te kaawa, n reitaki ma aomata ni kabane ake a kakaonimaki ngkoa nakon Nebukaneta, ao ai nikiraia taani m'akuri aika a m'aatai, ao bon tabeman naba kaain Iuta aika a kainano.

Ieremia 52:8

Ma a kakioa te uea are Tetekia ana taanga ni buaka B'aburon, ao a reke i rarikin Ieriko, ma a bane ni birinako ana tautia ni uamaae nako nakon taabo aika a kakaokoro.

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

B'aeb'aeti 4:15

A takaarua aomata ni kaangai, “Baane naako, b'a kam kam'araa, tai riingiira!” ma ngaia are a rere man te botannaomata teuana nakon teuana ma akea ae butim'aia.

B'aeb'aeti 5:5

Ti a kam'akuraki n ai aron te aati ma te kaamero. Ti rootaki n kua ma ti aki kariaiakaki ni motirawa.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.