B'aeb'aeti 1:21 - Te B'aib'ara

²¹ “Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

B'aeb'aeti 1:21 Iomraidhean Croise

Taian Areru 35:15

Ma ngke I a reke n te kaangaanga, Ao a bane ni kukurei, ao a bootaki ni b'ainingareai; a oreai ake I aki kinaia, ao akea tokin aia oro.

Taian Areru 37:13

Ma E ngareakiniia akana buakaka te UEA; b'a E ataa ae a nang kamaunaki.

Taian Areru 38:16

Tai kariaia taan ribaai b'a a na ngareakinai; ke a na kamoamoa ngkana iai te kabuanib'ai ae riki nako iu.

Itaia 14:5

E a tia ni kamanatuai m'aakaia uea ake a buakaka te UEA,

Itaia 14:6

ake a kiunuun ma n aki toki ni kabuakakaia aomatan botannaomata ake tekorakina.

Ieremia 30:16

Ma ngkana a kataia ami kairiribai ni kimoaingkami ke ni uruana aromii, ao N na manga kimoaia ma n uruana aroia, ao a na uotaki nako b'a taian taenikai nakon abaia ianena.

Ieremia 48:27

Kam b'ainingareia Au aomata ao kam karaoia b'a kaanga buure aika a reke ni karaoa te m'akuri.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Ieremia 50:15

Buaka ni iterana ni kabane! Taan taenikai mai B'aburon! A urua oona ma tauana kairiribai ni kab'aka. N nang irantaanga ni karaoa naba nakon B'aburon te b'ai ngkoa are e karaoia nakon kaawa aika a buubura ake tabeua.

Ieremia 50:29

Buakana B'aburon, aia taani katebe kairiribai; katea ami autinrianna ni katobibia te kaawa are e buubura, ao tai kabiri nakoa temanna. A kakaotinakoai, Ngai ae te Atua ae e Tabu, ma ngaia are, karaoa nakoina te b'ai are e karaoia nako ia kaawa aika a buubura ake tabeua.

Ieremia 50:31

B'aburon, ko riai n aranaki b'a, “Te aomata ae e kamoamoa.” Ma e a tia n roko te tai are N na katuaaeko iai Ngai ae te UEA ae Moan te M'aaka.

Ieremia 51:24

Ma ngkai, a na mataku Au aomata ngkana I anganiko boom i bukin te b'ai are ko karaoia nakon Tion.

Ieremia 51:49

E na karenakoaki, i bukina ngke e tiringiia Au aomata aika Iteraera aika a m'aiti ao a m'aiti naba man botannaomata ake tabeua.

B'aeb'aeti 1:16

Ao bon anne bukina ngkai a bon taonako rannimatau. Akea ae konaa ni karaua nanou; akea ae konaa ni kaungaa nanou. E a tia ni kataenikaiai au kairiribai; bon akea nikiran aia b'ai au aomata.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 1:22

“Baairei taekaia i bukin aia m'akuri aika a buakaka; Katuuaia, n ai arom ngke Ko katuaaira naba i bukin ara bure. I tang ni korakai, ao e a aoraki nanou.”

B'aeb'aeti 1:4

Bon akea temanna ae roko n taromauri n te bong ae tabu. A uotaki nako ana ataeinaine, a tang taian ibonga. Akea kaain taian mataroa, e a kananokawaki Tion.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 2:15

A na kaenaenako aomata ake a rirarikin te kaawa. A na katoutou atuia ma ni kakanikoa Ierutarem ni kaangai; “E a iranna te kaawa ngkoa ae te kabanea n raoiroi ma ni kakukurei n te aonnaba?”

B'aeb'aeti 2:16

A bane ni kakanikoko am kairiribai ma n taraiko ma te mata n riribai. A kangengei wiia ni kaenaenako ni kangai, “Ti a tia n ekinakoia! “Bon aio te bong are ti a ngae n tataningaia!”

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Ioera 3:14

A kaona te M'arua are Te Motikitaeka aomata aika m'aiti. E na roko ana bong n ana Motikitaeka te UEA n te tai ae e aki maan ikai

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.