B'aeb'aeti 1:10 - Te B'aib'ara

¹⁰ E a tia te UEA n tabuia ianena b'a a na aki rin n te Tembora, ma a bon noriia aia kairiribai ngke a rin iai. A rin ni iraei kaub'ain te Tembora.

B'aeb'aeti 1:10 Iomraidhean Croise

2.Rongorongo 36:18

E uoti nako b'aai ni kabane Nebukaneta ake a tiku i nanon te Tembora; e iraea te kaub'ai ao kanoan ana ruunib'ai te uea ma ana mataniwi. E uoti b'aai ni kabane nako B'aburon.

Neemia 13:1

Ao n te bong arei ngke e a warekaki ana Tua Moote n te b'anaa ae korakora nakoia aomata ni kabane, ao e a kuneaki ae a aki kariaiakaki kaain Ammon ma kaain Moaba b'a a na riki b'a a na aomata te Atua.

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Ieremia 15:13

N na anganiia ami b'ai ni kabane i bukina b'a kam a tia ni bure n taabo nako i aon abami.

Ieremia 20:5

E na kaitiaka kaub'ain te uea ma n anai b'aai nako aika a kakaawaki mai Ierutarem.

Ieremia 27:19

Ao te uea are Nebukaneta ngke e uota nako uean Iuta, Ieoiakin are natin Ieoiakim te mm'aane, ao mm'aane ni kabane ake taani kairiiri mai Iuta ao Ierutarem nako B'aburon,

Ieremia 27:21

“Ongora nakon te b'ai ae I taekinna Ngai ae te UEA ae Moan te M'aaka, ae Atuaia Iteraera, i bukin taian kaub'ai ake a tiku i nanon te Tembora ao n ana bareti te uea i Ierutarem:

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

Ieremia 51:51

Kam na bon mamaa ao kam na b'ainrang, i bukina b'a a tia n rin ianena n au Tembora are e tabu.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

B'aeb'aeti 1:7

Ngkami aika kaain Ierutarem, kam na uringi b'aai aika a tamaroa ni boong aika a b'akanako. Ngke e b'aka irouia ana kairiribai ao bon akea ae kani buokia. Ao a ngareakinna ana kairiribai ngke e a konaaki.

Etekiera 44:7

E a tia ni kamatauningaaki au Tembora, i bukina ngke kam a tia ni kariaia ianena aika akea atuaia, aika a taningamatoa b'a a na roko ikai i nanon tain te anga karea nako iu. Kam a tia ni bure ma n tia n urua ara boraraoi ae e matoa.

Etekiera 7:22

Ane a na ninia au Tembora ma ni katikua b'a te tabo ae e aki tau i bukin taromauriau, ma N na bon tannako b'a e na bon aoria n riki anne nako ia.

Etekiera 9:7

Ao E taku te UEA, “Kabuakaka te Tembora ni kab'arikoi taiani mate i nanon katawanangin te Tembora. Waakina ami m'akuri!” Ao a m'ananga nako n tiringiia Iteraera.

Mareko 13:14

“Ngkana kam nora te ‘Baere Kakamaaku’ b'a e tei n te tabo are e riai n aki mena iai.” Ke e ataia ane wareware b'a e na ota raoi n nanon aei! “Ao akana mena i Iutaia n te tai arei, ke a biri nako nakoni maunga.

Te Tua-Kaua 23:3

Bon akea kaain Ammon, ao kaain Moaaba, ni karokoa naba te katebwina n roro man kanoaia ae na riki b'a ana Aomata te UEA.

Te Tua-Kaua 23:4

E riki aei nakoia i bukina b'a ngke kam otinako mai Aikubita, ao a aki karekei kanami ma nimam, ao i rarikin anne, a kabooa naba B'araam b'a e na katekebuakaingkami.