Amota 9:8 - Te B'aib'ara

⁸ Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.

Amota 9:8 Iomraidhean Croise

Karikani B'aai 6:7

Ma ngaia are, E a taku, “N nang kamaunaiia aomata aikai ake I a tia ni karikiia, n reitaki naba ma maan ni kabane aika kawakawa ma aika kibakiba, e bon raoiroi riki ngke I aki karikiia.”

Karikani B'aai 7:4

Ai ti itiua te bong ma ngkai, ao N nang karokoa te karau, ae e na b'aka i nanon abwi te bong ma te ngaina, b'a a aonga ni mate b'aai ni kabane aika maiu aika I a tia ni kariki.”

1.Uea 13:34

Ao bon aei te bure ae e rangi n rawawata are e a karika b'akan abanueana.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Taeka n Rabakau 5:21

E noori b'aai ni kabane te UEA ao e tarataraira raoi.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 44:27

N onea mwiin arou ngkoa are te tararuaingkami nakon tarataraan te tai are N na karaoa iai te kamaraki nako imi. Iai i buakomi aika a na mate n te buaka, ao tabem'aang a na mate ni baki.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Ieremia 5:10

N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

Otea 1:4

Ao E taku te UEA, “Otea, aran natim te m'aane bon Ietireera, b'a N na katuaaea ana kariki uean Iteraera are Ieu n te tai ae e aki maan i bukin te m'akuri n tiritiri are e karaoia n te M'arua are Ietireera. N na kamaunaa abanueana,

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

Amota 3:12

E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Amota 9:10

A na bane ni mate taani bure aikai i buakoia Au aomata n te buaka, ma ai moaraara riki aomata ake a kaangai, ‘E na bon aki karokoa te kamamate te Atua i rarikira.’ ”

Amota 9:4

Ngkana a kairaki nako b'a taenikai irouia aia kairiribai, ao N na tua b'a a na bane n tiringaki. I a tia ni motika nanou b'a N na tiringiia, ao N na bon aki manga buokiia.”

Te Tua-Kaua 4:31

E na nanoangaingkami te UEA ae Atuami, E na bon aki tiringingkami ke ni kitaningkami. E na bon uringa ana Berita, ao E na bon kaawakina ana Boraraoi are E a tia ni karaoia ma ami bakatibu.

Te Tua-Kaua 6:15

Ngkana kam taromauriia atua tabeman, ao E na rangi n un te UEA iroumi, ao E na kamaunaingkami mai aon te aonnaba. E mena iroumi te UEA ae Atuami,