Amota 9:12 - Te B'aib'ara

¹² b'a a na manga rawea nikiran aban Etom aomatan Iteraera b'a abaia, ao a na tautaekaniia botannaomata b'a Au aomata. Bon Ana taeka te UEA ae E na karaoi baikai.

Amota 9:12 Iomraidhean Croise

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 27:37

Ao e taku Itaaka, “I a tia ni karikia b'a te toka i aom, ao I karikiia naba ana koraki ni kabane b'a ana toro. I anganna taian uaanikai aika uangingi, ao taian wain. Natiu, bon akea ae I kona ni karaoia i bukim.”

Taian Areru 60:8

Ai aron au beetin n uati Moaaba, ao N na tewenakoi au kauniwae i Etom, b'a kanikinaean ae I b'ainna. A iangoia kaain Biritia b'a a na takaakaa n tokanikai i aou?”

Itaia 11:14

Ma a nang ikoikotaki ni buakana Biritia i maeao. Ao i mwiina, a na kataenikaia kaain Etom, kaain Moaaba, ao kaain Ammon ake i mainiku. A na tautaekaniia aomata aikai ma n anai mairouia b'aai ake a tangiri.

Itaia 43:7

Bon au aomata I karikiia n tatabemaniia nako b'a a na karineai.”

Itaia 63:19

Ti karaoa aron ae kaanga ko aki tautaekaniira ke ti tuai aranaki b'a am Aomata.

Itaia 65:1

I tauraoi Ngai ae te UEA ni kaekaia naba aika a aki buubuti aika a aki kakaae. Bootanaomata aika kam rawa n taromauriai, I taku nakoia, “Aio Ngai!”

Ieremia 14:9

E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ioera 3:8

N na anga natim m'aane ma natim aine nakoia kaain Iuta, ao a na kabonakoia nakoia Tebean, aika a maeka i Kiraroa. Bon aei au taeka Ngai ae te UEA!

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

M'akuri 15:17

B'a a na ukoukora te UEA nikiraia aomata, ni botaki ma Tientaire, ake I a tia n atongiia b'a oin au b'ai.

M'akuri 15:18

Aei ana taeka te UEA, ae kaoti baikai ma ngkoangkoa.”