Amota 9:10 - Te B'aib'ara

¹⁰ A na bane ni mate taani bure aikai i buakoia Au aomata n te buaka, ma ai moaraara riki aomata ake a kaangai, ‘E na bon aki karokoa te kamamate te Atua i rarikira.’ ”

Amota 9:10 Iomraidhean Croise

Taian Areru 10:11

E taku n ana iango, “E matakii te Atua! E aki kona n noorai.”

Te Minita 8:11

Ngkana ti nooriia aomata aika buure ma buakaka b'a a teimatoa ni kaakaraoa te bure ao a aki katuaaeaki, ao e na kairiira b'a ti na kani kaakaraoa naba te bure.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 29:32

E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Amota 6:1

Bon te bong ae e kakamaaku nakoimi ngkami Iteraera ake i Tion, ake kam m'aninga nako n nakoami aika a ririeta, ao ngkami naba ake i Taamaria ake akea raraoman nanomi n unin te UEA. E kanga n riki anne iroumi ao bon ngkami taan kawaraki irouia aomata i bukin buokaia.

Amota 6:3

Ma ngkai kam aki kan muuti n te bong n urub'ai ae nang roko, ao e na bon roko uruami mai rouia aika a buakaka i bukin ami m'akuri aika a buakaka.

Amota 9:8

Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Maraki 3:15

Bon noori kukureia aomata aika a buakaka aikai. A teetekeraoi aomata nako aika a karaoa ae e kaairua, ao bon akea naba te kangaanga ae e riki nakoia ngkana a kataa te Atua.”

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’