Amota 8:10 - Te B'aib'ara

¹⁰ N na onika ami bootaki nakon bootaki ni mate, ao N na oniki naba ami anene ni kukurei nakon taian tanginiwenei. Ao ane kam na kamarai atuumi ao kam na kunnikaini kunnikai aika a raeraeaki, ao kam na katotongiia utu aika a tanginiweneia natiia te m'aane ae te rikitemanna. E na bon rangi ni maai te bong arei mai moana ni karokoa tokina.

Amota 8:10 Iomraidhean Croise

Karikani B'aai 21:16

ao e a tekateka ngaia tao e kaaniia tebubua te miita raroana ma te ataei. Ao e taku i nanona, “I aki kona n taratara natiu ngkana e mate.” Ao e a tekateka n tang ikekei.

Iobi 20:23

Ke e kang b'aai nako akana e kani kang! Ane e na bononnanoia te Atua ni katuaaea n aron te am'arake are e kanna.

Iobi 3:5

Karikia b'a te bong ae rangi n rotongitong, ae uananginang, ae nubono matan taai iai.

Iobi 30:31

I ongongo ngkoa taian anene aika kakukurei, ma ngkai I a ti ongo kuuna aika kananokawaki.

Itaia 3:24

A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

B'aeb'aeti 5:15

Akea te kukurei ni maiura; e a onea mwiin ara ruruoia te nanokawaki.

Etekiera 7:18

Kam na kunnikainingkami ni kunnikai aika a mangaingai i bukin kaotan nanokawakimi, ma ane e na taoningkami te maaku. E na koreaki taekan te kamaamaaeaki i aon matami, ao ane kam na korobuataui atuumi ma te korakai.

Etekiera 7:2

Etekiera ae natin te aomata, tuangiia Iteraera te b'ai ae I tuangko ni kaangai: E na waekoa n roko tokin Iteraera! E nang uruaki abami

Otea 2:11

N na katoki ana bukamaru Iteraera akea riki manga te Toa ae Moan Otin Nam'akaina, Taian Taabati, ke taian toa ake tabeua.

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!

Ioera 1:8

Kam na nanokawaki kaanga te ateiaine ae e tang i bukin buuna ae e a tib'a mare ma ngaia.

Nakoaia Ibonga 13:40

Ngkana e mm'aa iran te aomata mai bukin atuuna ke moan atuuna,

Amota 5:21

E taku te UEA, I ribaai ami botaki n taromauri; I bon aki kan tarai!

Amota 5:23

Katoki ami anene aika kaberoro; I bon aki kan ongo tangin ami aabi.

Amota 8:3

E na oneaki te anene n te bareti, b'a te tanginiwenei n te bong arei. A na raea ni mate aomata n aki akaaka, a na bane n teweaki nako i tinaniku, ao akea riki te karongoaa.

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.