Amota 7:9 - Te B'aib'ara

⁹ E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

Amota 7:9 Iomraidhean Croise

Karikani B'aai 46:1

Ao e katauraoi b'aai ni kabane Iakob'a, ao e nako Beerateb'a, ao e anga taiani karea nakon Atuan Itaaka, are tamana.

2.Uea 14:24

E aki ongotaeka naba ni katotoonga ana m'akuri ae e buakaka Ieroboam are natin Nebata te m'aane, are e kareketatiia Iteraera n te bure.

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Ieremia 51:51

Kam na bon mamaa ao kam na b'ainrang, i bukina b'a a tia n rin ianena n au Tembora are e tabu.

Etekiera 6:3

Kam na ongora, ngkami aika maunga ma tabuki ao taiani m'arua nako ma karaanga aika a uarereke! N nang kaitaraingkami Ngai ae te UEA ma ni kamanatuaingkami taabo ni bane ike a taromauriaki iai antiia ianena.

Otea 10:8

A na uruakaki taian baonikarea ake i Betaera are e bure korakora i bukin karekean Iteraera n te bure; a na rabunaki nako n aroka aika a kateketeke ao taian aroka aika a kateketeke baaia. Ao ane a na bane aomata ni butiia taian maunga ma taian tabuki b'a a na rabuniia ma ni kaawakiniia.

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Amota 7:11

A kaangai ana taeka, ‘E na mate Ieroboam n te bo ni buaka, ao a na uotaki nako aomatan Iteraera mai abaia b'a taenikai.’ ”

Amota 7:13

Tai manga taetae ni burabeti i Betaera, b'a aio a na kaawa n taromauri te uea, are e mena iai te tembora.”

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Mika 1:5

A riki baikai i bukina ngkai a tia ni bure, ao n aki ongotaeka Iteraera nakon te Atua. Tiaki bon Tamaria ae e riai ni bukinaki i bukin ana aki ongeaba Iteraera, ngkai boni ngaia te kaawa ae atuun Iteraera? Antai ae e na bukinaki n ana bure Ierutarem ngkai boni ngaia te kaawa ae atuun Iuta?