Amota 7:8 - Te B'aib'ara

⁸ Ao E kataetaeai, “Tera ae ko nooria?” Ao I kaangai, “te kora ni kaeti.” Ao E taku, “I kamanena te baei ni katereterea b'a ti te bo Au aomata ma aron te o ae e aki tei n eti raoi. Ma ngaia ae N na bon aki manga bita nanou i bukin oreaia.

Amota 7:8 Iomraidhean Croise

2.Uea 21:13

E a rangi buakaka Ierutarem n aron Aaba ma kaain Taamaria. Ma ngaia are, N na kamaunaa Ierutarem ma ni katiaa taekana, n ai aron temanna ae e taea nako te ran mai nanon te raurau b'a e na m'au.

Itaia 28:17

A na riki te eti ma te riai b'a taiani koranikaeti ake a na buokai ni kateana.” Ane e na urui ma ni uotinako katanami aika taiani kewe karau atiibu ao taian ieka.

Itaia 34:11

A na karaoa mwengaia taian aure, aoki, ao maan aika a aki manana E na katikua te Atua ma te urubekebeke, ai bon te b'ariko n atiibu.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

B'aeb'aeti 2:8

E a tia ni iangoia te UEA b'a E na urui nonon Tion; E a tia ni katika koran te kaawa b'a E na bon urua n akea nikirana; A na bane ni b'aka taian taua ma nonon te kaawa.

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Amota 7:7

E a manga roko naba i rou te mii mairoun te UEA. Ao I nooria b'a E tei i rarikin te o ae e a tia ni kateaki ma ni kaetaki raoi n te kora ni kaeti, Ao E taua te kora ni kaeti i baina.

Amota 8:2

Ao E tuangai te UEA, “Tera ae ko nooria Amota?” Ao I kaangai, “te b'aene ni uaanikai.” E taku te UEA nako iu, “E a roko te toki i aoia Au aomata aika Iteraera. N na bon aki bita nanou i bukin oreaia.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Tekaria 4:10

Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei. Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

Tekaria 4:2

Ao i mwiina, e titirakinai ni kaangai, “Tera ae ko nooria?” Ao I kaeka ni kaangai, “Te kaintaura ma nnen b'aan te oriwa i aona. Ao i aon te kaintaura bon iai itiua taian taura, a bane n ura ni kaitiua.

Tekaria 5:2

ao e titirakinai te anera ni kaangai, “Tera ae ko nooria?”