Amota 7:5 - Te B'aib'ara

⁵ Ao I taku, “E a tau te UEA ae te Atua! A na kangaa ni maiu Am aomata, b'a bon aomata aika a karako ma ni mamara!”

Amota 7:5 Iomraidhean Croise

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Itaia 1:9

E na riai n tia ni mauna nako Tion kaanga Tootom ma Komora,

Itaia 10:25

N na katoka marakin nanou iroumi n te tai ae e waekoa ao N na katuaaia i bukin aia bure nako.

Ieremia 30:19

A na karineingkami ma n neboingkami botannaomata ake tabeua. A na kaonaki mwengami irouia ataei, ao kam na bukamaru, ma n anene n neboai.

Etekiera 9:8

Ao I tiku n ti ngai, ma ngaia are, I boobaraaki ao I tang nakon te UEA ni kaangai, “E aera ngkai Ko karaoa aei? E a bon rangi ni maraki nanom irouia kaain Ierutarem n te aro are a nang bane n tiringaki?”

Ioera 2:17

Tuangiia au taani m'akuri, ibonga, b'a a na tang i nanon te Tembora ma n anga te tataro aei i rarikin te baonikarea:

Tekaria 4:10

Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei. Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

Warekaia Iteraera 14:19

Ko rangi n akoi, ao Ko karaoa ae raoiroi riki nakon are e bon riai n reke nakoia. Ma ngaia are, ti butiiko b'a Ko na kab'arai aia bure aomata aikai n ai arom naba ngkoa ngke Ko kab'arai aia bure ngke ti kiitana Aikubita ni karokoa te tai aei.