Amota 7:4 - Te B'aib'ara

⁴ E a manga roko naba i rou te mii mai iroun te UEA ae rietaata. Ao I nooria b'a E tabe ni katauraoi nakon kataereaia Ana aomata n te ai. E kauraa te nama ae korakora are i aan te aonnaba, are e a manga ura iai te aonnaba ni korakoran kabuebuena.

Amota 7:4 Iomraidhean Croise

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Etekiera 21:3

b'a N nang katuaaia. N na kaotinakoa Au kabang ao I a tauraoi n tiringiia aomata nako, aika a raoiroi ma aika a buakaka.

Ioera 1:19

I tangi ni weteiko te UEA. A kanaki taabo n uteute ao taiani buakonikai n te ang ae e kabuebue.

Ioera 2:30

N na m'akuri taiani kamimii i eta i karawa ao i aon te aonnaba i nano. E reke te raraa ma te ai ao taian nang ma te bubu.

Nakoaia Ibonga 10:2

Ao E kanakoa te ai te UEA n te tai ae e waekoa, ao e kabuokiia ni kamateia ikekei i matana.

Amota 1:4

Ma ngaia ae N na kab'aka te ai i aon te bareti are e kateaki iroun te Uea are Ataera, ao N na kabuokii nonon te Uea are Ben-atata.

Amota 1:7

Ma ngaia are N na kab'aka te ai i aon oon te kawa ae Kata, mani kabuoki nonona ni kabane.

Amota 2:5

Ngaia are N na kab'aka te ai i aon Iuta, ao N na kabuoki nonon Ierutarem.”

Amota 4:11

“I tiringiia tabem'aang mai buakomi n ai aroia I-Totom ma I-Komora. Ao ake a reke maiuia ai aron te kai ae bue ae butakinako mai nanon te ai. Ma kam bon teimatoa naba n aki kan onimakinai.” Bon ana taeka te UEA “Ma ngaia are ngkami aika I-Iteraera, N na bon katuaai ngkami ao kam na riai ni kataua motikan taekami i bukin aei.”

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

Amota 7:1

Ao e roko i rou te mii mai roun te UEA ae rietaata. Ao I noria b'a E karika te taanga n rokati imwin korean ana uteute te uea ngke a tiba manga bwebwerake uteute aika boou.

Amota 7:7

E a manga roko naba i rou te mii mairoun te UEA. Ao I nooria b'a E tei i rarikin te o ae e a tia ni kateaki ma ni kaetaki raoi n te kora ni kaeti, Ao E taua te kora ni kaeti i baina.

Mika 1:4

A na rannako maunga i aani waena n ai aron te nenea n te ai; a na raanga rikaaki nako nanon m'arua, n ai aron raan aika a raanga i raabeen tabuki.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Te Tua-Kaua 32:22

Au Aomata, N na ikeikena te ai are e na kab'akaingkami nako abaia maate. E na tiring arokan ami nne n aroka ma ni kabuoki rikaaki aan taiani maunga.

Ebera 1:7

Ao E taekinia anera te Atua ni kangai: “E karaoia ana anera b'a aang, ao ana tia m'akuri b'a uran te ai.”

Te Kaotioti 4:1

I mwin norani baikai ao I taratara nako, ao noria, te mataroa ae uki i karawa, ma te b'anaa are I ongo rimoa, are kanga ai aroni b'anaan te bu are taetae ma ngai, ae kaangai, “Mai rierake, ao N na kaoti nako im baika na bon riki i mwini baikai.”