Amota 7:10 - Te B'aib'ara

¹⁰ Ao e kanakoa te rongorongo Amatia are ibongan Betaera nakon uean Iteraera are Ieroboam ae e kaangai, “E kabuakakako Amota nakoia aomata. A rawawata a na taeka n te aro are a kiriwe nanoia aomata iai.

Amota 7:10 Iomraidhean Croise

Karikani B'aai 37:8

Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.

1.Uea 13:33

Ma e bon teimatoa naba Ieroboam ni karaoi m'akuri aika a buakaka. E rineia m'aane tabem'aang b'a a na riki b'a ibonga i bukin baangota ake i abaia, e ngae ngke bon tiaki kanoan Rewi. E a karaoia b'a e na konaa n riki n ibonga te aomata ae e tangiria ni kan riki b'a te ibonga.

1.Uea 18:17

ao ngke e nooria, ao e takaarua Aaba ni kaangai, “Ai boni ngkoe anne te tia kakiriwe i aon Iteraera. Ko rangi ni buakaka.”

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 36:16

Ao ngke a tia n ongo te b'ai are e koreaki i nanon te niira ni boki, ao a raraoma ao a taku bon irouia, “E na bae n tangiria te uea n ongora te b'ai aei!” Ao a rairaki nakon B'aruka, ao a titirakinna ni kaangai,

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Amota 1:1

Aikai ana taeka Amota, are te tia kawakin tiibu man te kaawa are Tekoa Uoua te ririki i m'ain te m'aeiei, ngke e uea iai Utia i aon Iuta ao Ieroboam are natin Ioati e uea i aon Iteraera, ao te Atua E kaoti baikai ni kabane nakon Amota.

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 5:10

Ngkami aika aomata kam ribaia ake a karaoa te motikitaeka ae riai ao n taekini taeka aika koaua n te bowi.

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Amota 7:11

A kaangai ana taeka, ‘E na mate Ieroboam n te bo ni buaka, ao a na uotaki nako aomatan Iteraera mai abaia b'a taenikai.’ ”

Mataio 21:23

Ngke E roko Iesu n te um'antabu, ao a nako Ina ibonga ake mataniwi ma aia unimm'aane aomata ngke e tabe n reirei, ao a taku, “Te m'aaka maia ae Ko karaoi iai baikai? Ao antai ae anganiko te m'aaka anne?”

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

M'akuri 24:5

B'a ti kunea te aomata aei b'a e iowawa: e karika te kiriwe i buakoia I-Iutaia ni kabaneia i aon aaba nako, ao ngaia mataniwin te botaki ae a atongaki kaaina b'a Natarene;

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

M'akuri 7:54

Ngke a ongo taeka akekei kaain te Tanirim, ao a tenai bukini m'angaia b'a a rangi n un iroun Tetebano.