Amota 6:4 - Te B'aib'ara

⁴ Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

Amota 6:4 Iomraidhean Croise

Karikani B'aai 37:25

Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim.

Etita 1:6

E katamaroaaki ana bareti te uea n taiani keeten aika a buruu ma ni mainaina, ao a kabaeaki ni karain rinen aika a taim'anuokai aika a raraoi, aika a bae nakon taian m'am'a aika tirewa aika a mena i aon taiani maabora aika a tei ni rinan. Ao a kaotinakoaki taiani kainiwene aika koora ma tirewa nako nanoni m'aneaban te bareti, are e katamaroaaki nanona n taian maabora aika a kiriin ao a mainaina, ma atiibu aika a tamaroa, ma taiani b'aeao aika a raneanea. Ao a rabunaki kaintekateka aika a ab'ab'aki ni kunnikai aika a maraurau aika a bati mataia, ao a mena taian rooti i mataniwiia.

Taian Areru 73:7

A oti nako baika buakaka mai nanoia; Ao akea te bae a iaiangoia b'a ti te kario kaantaninga aika bubuaka.

Itaia 22:13

Ma kam aki b'a kam karaoi ami bootaki n am'arake ma ni kang iriko ni kao ao iriko n tiibu ao kam mooi wain, i bukina ngke kam kaangai, “Ti a am'arake ma ni mooi! b'a ae ti na mate nakon te ingabong.”

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Ieremia 16:8

Ko na aki naba roko n te auti ae e karaoaki iai te am'arake ma te mooi ao te bootaki ni kukurei.

Etekiera 16:49

A kainikatonga ao a buabeka; a toki nanoia ni b'aai ake a kainanoi ao a rawa ni buokiia aika a kananoanga aika a maiu ni kainano.

Etekiera 23:41

A tekateka i aon kaintekateka aika maraurau, ao te taibora i mataia i bukin b'aan te oriwa ao te b'ai ni kaboiarara are Au b'ai.

Amota 3:12

E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

Amota 8:3

E na oneaki te anene n te bareti, b'a te tanginiwenei n te bong arei. A na raea ni mate aomata n aki akaaka, a na bane n teweaki nako i tinaniku, ao akea riki te karongoaa.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

Iakobo 5:5

Kam a tia ni maiu ni kaub'ai ma n iri kukurein rab'atami n te maiu aei. Kam a tia ni kamarikaingkami i bukin te bongi ni kamamate.