Amota 5:8 - Te B'aib'ara

⁸ E kariki itoi te UEA, ao ni katikui n aroia. E bita te rotongitong nakon te karangaina ao te ngaina nakon te tairiki E wetei ranin marawa ao e nurakin nako aon te aba. ao Arana bon te UEA

Amota 5:8 Iomraidhean Croise

Iobi 12:22

E kanakoa te oota nakon taabo aika rotongitong.

Iobi 37:13

E kanakoa te karau te Atua n teboka te aonnaba. N tabetai ao E kanakoa i bukin katuaaia aomata, ao n tabetai E kanakoa ni kakab'aiaia aomata.

Iobi 38:34

Ko kona n takaarua n anga am taeka nakon taian nang b'a a na kam'aim'aiko n te karau?

Iobi 9:9

Ao te Atua, E katinetinei itoi i karawa itoin meang, roon Nei Auti, Nei Auti, ao itoini maiaki.

Taian Areru 104:20

Ko karika te roo, ao a bane n oti nako manin buakonikai n te bong.

Taian Areru 105:28

E karooa aon te aba, ma a aki ongeaba n ana taeka.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 59:10

Ti kaenakoi baira ni kakaaea kawaira, kaanga aroia aomata aika a matakii; a toki waera ngke e tawanou, kaanga ai aron ae e a bong. Bon ti te arona ara taratara ma te aomata ae e a mate.

Ieremia 16:21

Ao i mwiina, e kaeka te UEA ni kaangai, “Bon anne bukina are N na reireiniia iai aron m'aakau, ao ane a na ataai iai b'a bon te Atua ni koaua Ngai.”

Ieremia 33:2

E taetae nako iu te UEA are e karaoa te aonnaba, are e karaoia ma ni katikua ni nnena. Boni Ngai are I aranaki b'a te UEA ao I kaangai,

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Amota 8:9

Ao n te bong arei ao N nang kabunga taai ngke e a tib'a boo tawanou, ao e na roo aonteaba n tain te ngaina. Bon Ana taeka te UEA ae rietaata

Amota 9:6

E karaoa mwengana te UEA i karawa, ao aon te aba b'a te aana. E wetei raan mai i aan taari ao E kab'aroi i aon te aba. Bon te UEA arana!

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Ruka 1:79

N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.