Amota 5:5 - Te B'aib'ara

⁵ Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Amota 5:5 Iomraidhean Croise

Karikani B'aai 21:31

Ao e a aranaki te tabo arei b'a Beerateb'a i bukina ngke a karaoa aia berita ikekei ngaiia ake uoman.

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

Karikani B'aai 26:23

Ao e nako Itaaka nako Beerateb'a.

Karikani B'aai 26:33

Ma ngaia are, e a arana te m'anib'a arei Itaaka b'a “Berita.” Ao bon anne moan reken te kaawa ae buubura are Beerateb'a.

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

1.Uea 12:29

Ao i mwina, e katuka te kaoteteei te koora are teuana n te kaawa are Betaera. Ao e katuka are temanna n te kaawa ae Taan, ao a m'ananga aomata rimoan te kaoteteei ngke e uotaki nako ikekei. Bon te bure ae moan te kakaiaki te b'ai are e tia ni karaoia Ierutarem.

2.Uea 23:8

E bon kani bane kaawan nako Iuta ni karaoaki iai taian angakarea irouia ibonga nakon te UEA ni bangotan te aba. E kairiia ibonga aikai Iotia nako Ierutarem ao e kam'araai aia baangota b'a a na aki kamanenaaki i bukin te taromauri. Ni kabane taiani baangota ake mai Keeb'a are i meangin Ierutarem nako Beerateb'a i maiaki. E bon kamaunaa naba te baangota are i Beerateb'a are e mena i maingin te mataroa are Iotua, are e ingoanaki n aran te kabanea n rietaata ni mataniwi n te kaawa ae e buubura anne.

Iobi 8:22

Ma e na karokoa te kamamaaeaki i aoia aomata aika riribaiko, a na mauna nako aia auti aomata aika buakaka.

Taian Areru 33:10

E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Itaia 29:20

A na bane aika a iowawa ma aika a kainikatonga n nako n aki manga oki. Ao a na mauna nako aika maiuakina te bure,

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Ieremia 48:13

Ao i mwiina, kam na mamaa i bukina ngke e aki konaa ni kamaiungkami antimi are Kemoti, n aron Betaera ae e aki konaa ni buokiia Iteraera.

Otea 10:8

A na uruakaki taian baonikarea ake i Betaera are e bure korakora i bukin karekean Iteraera n te bure; a na rabunaki nako n aroka aika a kateketeke ao taian aroka aika a kateketeke baaia. Ao ane a na bane aomata ni butiia taian maunga ma taian tabuki b'a a na rabuniia ma ni kaawakiniia.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Otea 9:15

Iteraera, I moanna n ribaiko i bukina b'a ko karaoa te b'ai ae e buakaka i Kirekara. Ngkai N nang kakionakoingkami man Au auti. N na aki manga oki n tangiriko: a tia ami taani kairiiri ni keweai.

Amota 1:5

N na urua mataroan te kaawa ae Taamateko, ao N na kam'aeia nako kain te m'arua are Awen ma te tia taua taekan Beta-eten. Ana anaaki kain Turia b'a taenikai nakon te aba are Kira.”

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 4:4

E taku te UEA ae moan te rietaata, “Ngkami aika aomatan Iteraera, kam na nako Betaera ae ana kaawa te Atua ae e tabu, ao karaoi m'akuri aika a bure iai ngkana kam kona! Naako Kirekara ao kabatiai riki ami bure! Naako uotimai ami man b'a kam na anga karea ni katoa ingabong, ao uotimai naba ami kabwianib'ai b'a a rikoaki ni katoa te katenua ni bong

Amota 7:10

Ao e kanakoa te rongorongo Amatia are ibongan Betaera nakon uean Iteraera are Ieroboam ae e kaangai, “E kabuakakako Amota nakoia aomata. A rawawata a na taeka n te aro are a kiriwe nanoia aomata iai.

Amota 7:13

Tai manga taetae ni burabeti i Betaera, b'a aio a na kaawa n taromauri te uea, are e mena iai te tembora.”

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Amota 7:9

E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

1.I-Korinto 1:28

E rinei b'ain aon te aba te Atua aika atongaki b'a a mangori ma n akea bonganaia, ma baika tiaki oi ni b'ai, b'a E na kamaunai baika atongaki b'a oi ni b'ai.

1.I-Korinto 2:6

Ma ti kabongana te taeka n rabakau i buakoia aomata aika ikawai n aia onimaki; ma tiaki rabakaun aon te aba ke rabakauia taan tautaeka i aonnaba, aika te koraki aika nangi mauna mataia.

Te Tua-Kaua 28:41

Ao ane a na anaaki naba natimi m'aane aika uarereke ma natimi aine aika uarereke b'a taian taenikai n te buaka.

Iotua 5:9

E taku te UEA nakon Iotua, “I kataenakoa mai aomi n te bong aei rawawatan taekami b'a toro ngkami ngkoa i Aikubita.” Ao bon aei bukina are a arana iai te tabo arei Iteraera b'a Kirekara ni karokoa boong aikai.

Te Kaotioti 18:17

B'a a kamaunaki kaub'ai akekei i nanon teuana te aoa.” Ao kaaben ma akana boborau nakon te tabo teuana ma teuana, ao kaimoa ma akana bob'ai i tari, a bane n tei mai kiraroa,

1.Tamuera 11:14

Ao e taku Tamuera, “Nako mai! Ti a nako Kirekara ni karaoa te boraraoi b'a e na reitanako ueana Tauro n riki b'a ara uea.”

1.Tamuera 7:16

Ni katoa ririki ao e naanako Tamuera nako Betaera, Kirekara, ao Mitib'a ni kakaraoa te m'akuri n tia moti nakoia aomata.

1.Tamuera 8:2

Natina are te karimoa bon Ioera, ao te karimwi bon Abiia. Ao ngke a kara Tamuera, ao e karikiia b'a taani kairiiri i Beera Teba.