Amota 5:4 - Te B'aib'ara

⁴ E taku te UEA nakoia Iteraera, “Nakomai ao kam na maiu.

Amota 5:4 Iomraidhean Croise

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

2.Rongorongo 20:4

Ao a kawaekoaia ni kiitana ikekei nako Ierutarem i bukin buubutian te UEA buokaia.

2.Rongorongo 34:3

Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

Taian Areru 14:2

E tarataraia aomata te UEA mai karawa b'a E kan noria b'a tao iai ae wanawana ae e na ukoukoria ke akea.

Taian Areru 22:26

A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 27:8

E tuangai nanou b'a N na tataro. E ingainga nanou ni kan nora matam,

Taian Areru 69:32

Ane a na kukurei akana a b'ainikirinaki ngkana a nora kamaiuau; A na kauungaki nanoia akana taromauriko.

Taian Areru 69:33

E ongo te UEA irouia akana kai nanoia, Ao E aki m'anuokin taekaia ana aomata akana taenikai.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Ieremia 38:20

Ao I taku, “Ti ngkana ko ongotaeka i roun te UEA, ao ane a anga ngkoe kaain B'aburon nako ia taian Iutaia. Ane ko na kamaiuaki, ao a na nako raoi b'aai ni kabane nakoim.

Etekiera 18:9

ao e kakaonimaki n ongotaeka nakon au Tua ma au reirei nako. E rangi n raoiroi te aro aei, ao I berita b'a e na reke maiuna.

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Mataio 7:8

B'a ane bubuti ao e na anganaki, ao ane ukeuke ao e na karereke, ao e na kaukaki te mataroa nakon ane karebwerebwe.

Te Tua-Kaua 32:46

ao e taku, Kam na ururinga te anene ae I a tia n reireiningkami n te bong aei. Ao e na riki b'a te b'ai n reirei nakoimi b'a kam riai ni manga reireiniia ami ataei b'a a na ongotaeka b'aai ni kabane akana m'akoro n Ana Boki n Tua te Atua.

Te Tua-Kaua 32:47

Bon tiaki taeka aika akea nanoia taian tua, b'a a kona ni kananaui maiumi n te aba are kam nang anaia.

Te Tua-Kaua 4:29

Ane kam na motikia mai nanomi n te tai teuana b'a kam na taromauria te UEA i bukin ami kangaanga. Ao ngkana kam okirikaaki ma n ongotaeka raoi i Rouna, ao E na manga bon riki naba b'a Atuami.