Amota 5:3 - Te B'aib'ara

³ E taku te UEA ae moan te rietaata, “A kanakoaki teuana tengaa tautia man te kaawa ae Iteraera, ma ti tebubua tautia aika a okirikaaki, ao te kaawa teuana e a manga kanakoia tebubua ana tautia ma ti tengaun ana tautia aika a oki.”

Amota 5:3 Iomraidhean Croise

Taian Areru 144:14

A bia bungiia natiia ara kao n akea temanna irouia natiia ae na kabuanib'ai. A bia akea te b'ana ni kananokawaki i nanoni kawai n ara kaawa.

Itaia 1:9

E na riai n tia ni mauna nako Tion kaanga Tootom ma Komora,

Itaia 10:22

E riki aei i bukina ngke e a tia ni kamaunai aia botannaomata, n aron are e bon riai ni karaoaki nakoia.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Etekiera 12:16

Iai tabeman aika a na reke maiuia i mwiin te buaka, te mate ni baki, ao man te aoraki ae e kamaamate. Anne aroia are a na konaa iai n tuangiia iai ianena korakoran ribaakin aia bure, ao bon te UEA ae E katuaaia n aron aei.

Amota 6:9

E ngae ngkana tengaun te m'aane aika a tiku n te auti ao a na bon bane naba ni mate.

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

Te Tua-Kaua 28:62

A rangi ni m'aiti ami koraki n aron itoin karawa n aron ae kam bon ataia, ma ngkana kam aki ongotaeka nakon te UEA ae Atuami, ao a na karako nikirami n tiku ni maiu.

Te Tua-Kaua 28:63

E rangi ni kukurei te UEA ni katetekeraoingkami ma ni buoka ami botannaomata ni karikirakea ngke kam buakana te aba n taua. Ma ngkana kam aki ongotaeka nakoina ao E na manga bon rangi ni kukurei naba ni koutingkami mani wakaami.

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.