Amota 5:2 - Te B'aib'ara

² E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

Amota 5:2 Iomraidhean Croise

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

Itaia 14:21

Ti na tiringiia natim m'aane b'a kaboan mwiin aia bure aia bakatibu. A na bon aki taua taekan te aonnaba ke taiani kaawa aika a buubura n taabo nako n te aonnaba.

Itaia 24:20

E na bebebebe ma ni ioioaki kaanga te koro ni manging. ke te um'a ae e uarereke n tain te angibuaka. E na taonaki rikaaki n te bure; e na b'aka te aonnaba, ao e na aki manga teirake.

Itaia 3:8

Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Itaia 37:22

Etekia, ko tataro nako iu i bukin Uean Aturia are Tennakeriba. Ao ngkai, aio te b'ai ae I taekinna nakon te uea anne: Aomatan Ierutarem a ribaiko mani kakanikoko; ao a ngareakiniko mai akuum.

Itaia 43:17

I kanakoa te taanga ni buaka b'a e na kakioko n taian kaanibuaka ao taian aoti; ao ngkai a wene ni mate, a aki konaa ni kakam'akuri. A riki b'a kaanga te taura te b'aa are e a tiringaki.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 18:13

Ma ngaia are, I tuangkami Ngai ae te UEA b'a kam na titirakiniia botannaomata nako, b'a a tia n ongongo karaoan te bure ae moan te kakamaaku n aron ae kam a tia ni karaoia ke a tuai.

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 4:20

I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

Ieremia 50:32

Ko kamoamoa, ma ane e na reke waem ao ko na b'aka, ao bon akea temanna ae e na konaa ni buokiko ni kateirakeko. N na kabuoki ami kaawa aika a uarereke n te ai, ao a na bane n urarake akana i rarikim n te ai.

Ieremia 51:64

“Aio aron inakon B'aburon ngkana e uruakaki i roun te UEA. A na bane ni mate kaain te kaawa, ao e na aki manga reke korakorana n teirake.” E bane ikai ana koroboki Ieremia.

Ieremia 8:4

E taku te UEA: Kaain Ierutarem, kam na manga teirake ngkana kam tatanako ma ni b'aka, ao ngkana e bure kawaimi, kam na manga rairaki n oki.

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

Ieremia 9:9

Ko na anganai bukina teuana, b'a e aera ngkai a na aki katuaaeaki. Bon aei au taeka Ngai ae te UEA ae Moan te M'aaka.

B'aeb'aeti 2:13

O Ierutarem, ae ko bati n tangiraki, tera ae N na kona n taekinna? N na kangaa ni kabebeteko? Bon akea ae a tia n rawaawata n ai aron aei. Akea tokin rawawatam n ai aron marawa; akea ae konaa ni kamaiuko.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,