Amota 5:11 - Te B'aib'ara

¹¹ Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Amota 5:11 Iomraidhean Croise

Iobi 20:19

I bukina b'a a karawawataia aomata ma n aki m'annanoia aika kainano, ao a taui aia auti aomata.

Itaia 16:10

ke taiani kim'areirei ao taai ni kukurei, ngkana e tabe ni uotakimai uaan te tawaana. A tia n nako taian anene ao taian takaarua man te nne n aroka ni kureebe. A na akea manga taiani takaakaa ni kukurei ngkana a kamantaki taiani kureebe. E a tia ni katoki b'anaa ni kabane te Atua.

Etekiera 26:12

A na iraei ami b'ai aika a rangi ni kakawaaki taian taanga ni buaka; ao a na urui ami oo, ma ni kamanatuai ami auti aika a boobuaka. Ao i mwiina, a na karenakoaki atiibuna ma kaina ma nikiran b'aina nako i taari.

Etekiera 34:21

Kam a tia ni kamanenai koromi aika a korakora ngkami aika kam korakora ni kakioia nako aika a mamaara,

Otea 9:2

Ma e na karako m'aitin te uita ma te wain,

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Amota 2:6

E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Amota 3:15

N na urui autin bong aika a kam'aitoro ao autin naba bong aika a kabuebue. A na b'aka naba auti ake a katamaroaaki ni koron taian man n aron te ereb'anti ao ana bane n uruaki auti aika korakora.”

Amota 3:9

Tuangiia ake a maeka ni bareti ake i Aikubita ma Atitota b'a ana bane n roko n ikotaki i aon maunga ake a katobibia Taamaria b'a ana noori taiani bure ma kairua ake a karaoaki i nanona.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Amota 6:11

A na bane ni maerikiriki auti aika a korakora ma auti naba aika a karako ngkana E kanakoa Ana taeka te UEA.

Amota 6:12

A konaa ni biri aoti i aon taian b'aa? A kona aomata ni kairiia kaao b'a a na katika te b'araua i aon taari ni kamaraua taari? Ma ko a tia n onika te eti nakon te b'ai ae kamamate, ao te raoiroi nakon te kairua.

Amota 8:4

Kam na ongora n aei ngkami aika kam kamanatuaia aika a kainano, ma ni kamaunaia aika akea aia b'ai n te kaawa.

Amota 9:14

N na kaokiia Au aomata nako abaia. A na manga karaoa aia kaawa aika urubekebeke ma ni maeka iai; a na uniki aia kureebe ma ni mooi wain mai iai; a na karaoi aia oo-n-aroka ma n am'arake mai iai.

Mika 1:6

Ma ngaia are, e taku Te UEA, “N na karika Tamaria b'a te tabo ae e uruaki ae akea kaaina, ao e na riki b'a te tabo ae a unikaki iai aroka aika kureebe. N na karenakoi m'akorokoron atiibuna nako nanon te m'arua. Ao N na uruaki naba aana.

Mika 2:2

Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Mika 6:15

Ko na unika te uita, ma ko na bon aki taiia uaana. Ko na ongira te b'aa man te oriwa, ma ko na bon aki kamanenaa. Ko na karaoa te wain, ma ko na bon aki mooi iai.

Teb'ania 1:13

Ana kurib'aiaki kaub'aia, ao ana uruakaki mwengaia, ana bon aki kona ni maeka ni mwengaia aika a karaoi, ke n nim aia wain mani nnen arokaia kureebe.”

Akai 1:6

E buubura riki ae ko taia nakon ae ko unikia, e aki konaa n tau m'aitin kanam ma nimam, ko na aki mano raoi ni kunnikaim, ao a na kaawakinaki boom n taiani baeki aika a kirib'angab'anga.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

Te Tua-Kaua 28:30

Ane a na kabae ami m'aane, ma i m'aain are a mare ma ana kabae, ao e na tauaki buuna irouia aia tautia ami kairiribai. A na katea aia auti ami koraki tabeman, ma bon akea ae na maeka iai. Ngkana kam unika te kureebe, ao kam na bon mate i m'aain taian te moan uaa.

Iakobo 2:6

Ma ngkami, kam kamangora te aomata ane aki kaub'ai. Tiaki a babakanikawai nakoimi akana kaub'ai ao tiaki ngaiia aika katikingkami nako matan taiani kabowi?