Amota 5:1 - Te B'aib'ara

¹ Kam na ongora, Iteraera, nakon te kuna n rainanoanga ae I aneneia nakoimi:

Amota 5:1 Iomraidhean Croise

Ieremia 18:13

Ma ngaia are, I tuangkami Ngai ae te UEA b'a kam na titirakiniia botannaomata nako, b'a a tia n ongongo karaoan te bure ae moan te kakamaaku n aron ae kam a tia ni karaoia ke a tuai.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:17

E taku te UEA ae Moan te M'aaka, “Kanako ia aine aika a kaboaki b'a a na tanginiwenei n tain te bootaki n taunimate, ai moara ra riki aine ake a konaa n tang n takaarua.”

Ieremia 9:20

“Ti butingkami aine b'a kam na kakauongo raoi nakon te b'ai ae E taekinna te UEA. Ti na reireiningkami te anene ni mate are kam konaa ni manga reireiniia natimi aine ma raoraomi:

Ieremia 9:9

Ko na anganai bukina teuana, b'a e aera ngkai a na aki katuaaeaki. Bon aei au taeka Ngai ae te UEA ae Moan te M'aaka.

Etekiera 19:1

Etekiera, ko na anenea te kuna ni mate i bukiia ana taani kairiiri Iteraera ake uoman:

Etekiera 19:14

ike e a bue iai kaina, ao e a kaurarakei m'aangana nako te urarake. Bon akea nikiran m'aangana; E tiku ni ngaongao. E na riai n aneneaki te anene ni mate aei ma te nanokawaki.

Etekiera 26:17

ao a na anenea te anene ni mate aei: “E a uruaki te kaawa ae e korakora are i rarikin taari! A tautaekana ngkoa mataniwiin taari kaaina ao a maakaki irouia aomata nako ikekei.

Etekiera 27:2

Etekiera ae natin te aomata, ko na anenea te kuna ni mate i bukin Turo,

Etekiera 28:12

Etekiera ae natin te aomata, ko na anenea te kuna ni mate i bukin uean Turo ao ko na tuangnga au taeka ae e kaangai: N te tai teuana, ko rangi n raoiroi, rabakau, ao ko rangi n taraa raoi.

Etekiera 32:16

Bon anne te kauring nakoim, ao e na kamanenaaki b'a te anene ni mate irouia aine ianena i bukin te b'aeb'aeti i bukiia am aomata. Bon aei au taeka Ngai ae te UEA ae te Atua.

Etekiera 32:2

Etekiera ae natin te aomata, ko na kabuakaka uean Aikubita ao tuangnga te b'ai ae I taekinna: Ko karaoa aron te raian n aiwaa ni m'aninga nako n te aonnaba; ma bon akea manenam n ai aron te korokorotaire i nanon te karaanga, n rairairaki i nanon te bokaboka ma waem.

Amota 3:1

Kam na ongora kain Iteraera nakon te rongorongo ae e taekinna te UEA i bukimi ngkami aika kam kaotinakoaki mai Aikubita.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Amota 5:16

Ao te UEA ae m'aaka e na kangai, “E na iai te tang n nanokawaki i nanon kawain te kaawa. Taan ununiki a na bon tang naba i bukiia ake a mate

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.