Amota 4:7 - Te B'aib'ara

⁷ I taua naba te karau b'a e na aki b'ab'aka i aon arokami. I kab'aka te karau nakon aon te kaawa teuana ao I aki kab'aka nakon te kawa teuana. E b'aka te karau n te tawaana teuana ao a mate arokan te tawaana teuana.

Amota 4:7 Iomraidhean Croise

Te Otinako 10:22

Ao e tabeka baina Moote nako karawa, ao e rabunaki Aikubita ni kabutaa i nanon tenua te bong.

Te Otinako 10:23

A aki konaa n nooriia kaain Aikubita i bon i rouia, ao bon akea ae roko n te kiitana ana auti n te tai anne. Ma bon iai te oota irouia Iteraera n te tabo are a maeka iai.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Te Otinako 9:26

Bon te aono are Koten, are a maeka iai Iteraera are akea iai te karau te aiti.

Te Otinako 9:4

N na kaokoroi aia man Iteraera ma aia man kaain Aikubita, b'a e aonga n akea manin Iteraera ae na mate.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 14:3

A kanako ia aia taani m'akuri taan tautaeka nakon taabo ike a kaawakinaki iai taian ran. Ma bon akea naba iai; ao a okirikaaki ma te b'arannano ao aia tiaeki aika bon akea naba kanoaia.

Ieremia 14:4

E a maan te tai ae e aki iai b'aka te karau, ao a aoraki taan ununiki ngke a matakuakina tabwenabwenan aon te aba i aon te tano ae m'auteretere.

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Tekaria 14:17

E na bon aki b'aka te karau i aon aban te aomata ane e rawa n nako Ierutarem n taromauria te Uea, te UEA ae Moan te M'aaka.

Ioane 4:35

Tiaki kam taku, ‘Aua riki te nam'akaina, ao a roko tain uaa n tai ao ni bobotaki.’ Noria, I tuangngkami, Tabeki matami, ao tarai taabo aika unikaki, b'a a tai uaa ao a tau nakon te bobotaki!

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

Te Tua-Kaua 11:17

ao ane na un te UEA, ao E na aki karokoa te karau. Ao ane a na akea te b'ai ae na riki n ami katawanang, ao kam na maunanako man te aba ae e raoiroi ae a tia n anganingkami te UEA.

Iakobo 5:17

Eria bon te aomata ae ti te bo arona ma arora, ao n ana tataro e bubuti b'a e na aki b'aka te karau; ao e aki b'aka te karau i aon te aba i nanon tenua te ririki ao onoua nam'akaina.

Te Kaotioti 11:6

A kona taani kakoaua akekei ni bonota karawa, b'a e na aki b'aka te karau ni karokoa koron aia bong n taetae ni burabeti; ao iai m'aakaia i aon raan, ni kona n oniki b'a raraa; ao iai naba m'akaia ni karokoi b'aai ni kamamate ni kaokioki n ai aron takun nanoia.