Amota 4:3 - Te B'aib'ara

³ Ko na katikaki nakon b'angab'angan te o ae e uakaan man teweaki nako iai.”

Amota 4:3 Iomraidhean Croise

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

2.Uea 7:15

Ao a m'ananga nako i aon aia aoti m'aane akekei nakon te Karaanga are Ioretan. Ao a noori taiani kunnikai ma b'aai i aoni kawaia aika a tewenakoaki irouia kaain Turia ngke a tabe ni biri nako. Ao i mwiina, a oki n tuanga te uea b'aai ake a tia n noori.

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Itaia 31:7

E a roko te tai are kam na tewenakoi iai ami bouannanti aika tirewa ao koora, aika a karaoaki ni baimi aika a bure.

Ieremia 52:7

ao e a uruaki oon te kaawa. Ni bon te tairiki naba anne, a kataia Etekia ni biri nako man mataroan te kaawa are i rarikin ana nne n aroka te uea, e ngae ngke a bon ataia b'a e katobibiaki te kaawa irouia aia kairiribai. E biri nako ni kaineta te M'arua are Ioretan,

Etekiera 12:12

E na tabeki ana baaeki nako aon angana te tia kairiiri i Ierutarem ngkana e a bung taai ao e na otinako man te b'angab'anga are e karaoaki irouia tabeman n oon ana auti. E na karabaa matana, b'a e aonga n aki noora te aba are e a kitanna.

Etekiera 12:5

Ko na kab'angab'angaa oon am auti, ao kawakawa n otinako, ao uouota am baeki. Ko na kakoauaa raoi b'a a matakuakiniko aomata nako.

Amota 6:7

ma ngaia ae kam na riki b'a moan aomata ngkami ni kairaki nako b'a taenikai. A na mauna ami bootaki ma ami baka.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Tani Motiki-taeka 5:17

A tiku kaain Kireata ni iteran te Karaanga are te Ioretan. E aera kaain te baronga are Taan ngkai a tiku i aon aia kaibuke ao kaain te baronga are Atera a tiku i mataniwiin taari i rarikin taiani matabaiawa?