Amota 4:10 - Te B'aib'ara

¹⁰ “I karokoa te kai i aomi n ai aron are I oroia naba ngkoa iai I-Aikubita. I tiring ami rorobuaka n te buaka ao I uoti nako ami aoti. Ao I kaboiraaea ami kaawa ni kabatia te aomata ae mate iai. Ma kam bon teimatoa naba n aki onimakinai.

Amota 4:10 Iomraidhean Croise

2.Uea 10:32

Ao i nanoni boong akanne, ao E a tabe ni kauarerekea aban Iteraera te UEA. E konaiia Iteraera uean Turia are Ataera ao e taui taekan,

2.Uea 13:3

E un te UEA irouia Iteraera, ma ngaia are, e karika uean Turia are Ataera ma natina te m'aane are Benatata b'a a na tautaekaniia n te tai ae e maan.

2.Uea 13:7

A teimatoa Iteraera ni buubure ma ni katotongiia ana utu Ieroboam. A aki roko n te urui taiani bouananti ake a tia ni kateaki i Taamaria i bukin taromaurian te anti are Nei Aatera.

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

Te Otinako 10:27

Ma te UEA, e karika B'arao b'a e na taningamatoa, ao e na bon aki kanakoia.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 14:4

N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Te Otinako 9:12

Ma te Atua e karika te uea ae B'arao b'a e na taningabono n aron are E a tia n taekinna b'a e na aki kan ongo B'arao iroun Moote ma Aaron.

Te Otinako 9:17

Ma ko bon kamoamoa naba ao ko rawa ni kanakoia au aomata.

Itaia 34:3

A na tiku rab'ataia aika a mate ni buakaka ao ni boiraa, a raanga rikaaki raraaia man taiani maunga.

Itaia 50:11

Rimoa ao nakonako n ootan te ai are ko a tia ni katauraoia. Ma e na bon oreiko ma ni katuuaeko ni bon oin baina.

Itaia 9:12

E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Ieremia 11:22

Ma N na katuaaia. Ane a na mate aia rorobuaka n ataei n te buaka, ao ane a na mate ni baki natiia.

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 48:15

Ma bon te UEA Ngai, ae Moan te M'aaka, ao I berita b'a a na karanganakoi ami kaawa nako kairiribai. Ao a na bon mate naba ami taani buaka aika a bane aroia n te buaka.

Ieremia 49:26

N te tai ae e aki maan, a na wene ni mate ami tautia i nanon kawain nako te kaawa. Bon aei au taeka Ngai ae te UEA ae Moan te M'aaka.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 9:22

“E a tia n tuangiira te UEA b'a e na onrake te tano n rab'ataia aomata aika a mate, kaanga oin taian uita aika a tuai ni bootaki ke kaanga nakotariia maan.”

Otea 11:5

Ma a onimakina Aikubita ao a aki kan okirai; ao ngkai a na tautaekanaki iroun Aturia.

Ioera 2:20

A buaka te taanga ni buaka mai meang, ma N na kakionakoia nakon te rereua are e kabuebue. Ao a na mka ma ni m'aung ni moa man Taari are Mate ni karokoa te Mereterenian.” E karaoi taian kakai te UEA

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Nakoaia Ibonga 26:25

E na riki te buaka i bukina b'a kam urua ara boraraoi, ao ngkana kam biri nakon ami kaawa ake a oaki, ao N na katuaaingkami n te aoraki ae e korakora, ao kam na reke irouia ami kairiribai.

Amota 4:6

“Boni Ngai ae I karokoa te rongo nakon aon ami kaawa, ma bon akea naba te kuba iroumi n okirai.

Amota 8:3

E na oneaki te anene n te bareti, b'a te tanginiwenei n te bong arei. A na raea ni mate aomata n aki akaaka, a na bane n teweaki nako i tinaniku, ao akea riki te karongoaa.

Akai 2:17

N na karaoi am m'akuri korakora ni kabane b'a baika akea manenaia b'a N na karokoa te bekabeka ni kaai, te bwebwee n aoi, ao te karau te aiti-ma ko bon aki naba rairaki nako iu, Ngai ae te UEA.

Te Tua-Kaua 28:21

E na kanakoa te aoraki ae kamaamate te UEA nakoimi n oroi ngkami, ao e na aki manga reke marurungimi.

Te Tua-Kaua 28:22

Kam na oreaki n kabuebue ao te tibutau i aon rab'atami, ao te maraki ni karokoa matemi n te tabo teuana n te aba are kam taua.

Te Tua-Kaua 28:60

n ai aron taian aoraki ake kam rangi n mamaakui ngkoa i Aikubita.

Te Tua-Kaua 7:15

E na aki manga ituaki n taian aoraki ake kam taonaki iai ngkoa n tabetai i Aikubita. Kam na marurung raoi, ao E na kaorakiia ami kairiribai te UEA n taian aoraki.